ممبئی: بالی وڈ میں اپنی لاجواب اداکاری سے ’بادشاہ‘ کا لقب حاصل کرنے والے شاہ رخ خان نے اداکار سلمان خان اور اکشے کمار سے اپنا رشتہ بتا دیا ہے۔
2 نومبر کو شاہ رخ خان نے اپنی 57ویں سالگرہ منائی۔ اس موقع پر مداحوں کی بڑی تعداد ان کے گھر ’منت‘ کے باہر جمع ہوئی اور اپنی محبت کا اظہار کیا۔ اداکار نے گھر کی بالکونی میں آکر مداحوں کا شکریہ ادا کیا اور ان کے آنے پر خوشی کا اظہار کیا۔
سالگرہ کے موقع پر شاہ رخ خان نے ان مداحوں سے بھی گفتگو کی جو دور دراز یا غیر ملکی ہیں۔ مداحوں نے #AskSRK کے ہش ٹیگ کے ساتھ اداکار سے سوالات پوچھے۔
ایک مداح نے لکھا: ’آپ سلمان خان کے بارے میں کیا خیالات رکھتے ہیں؟‘ اس پر شاہ رخ خان نے لکھا: ’وہ زبردست اور مہربان انسان ہیں۔ دو الفاظ بولنے پر معذرت خواہ ہوں لیکن وہ میرے بھائی ہیں۔‘
View this post on Instagram
اسی طرح ایک اور مداح نے شاہ رخ خان کو مخاطب کرتے ہوئے لکھا کہ آپ میرے پسندیدہ اداکار اکشے کمار کے بارے میں کوئی بات کریں۔
اس پر انہوں نے لکھا کہ وہ کئی سالوں سے میرے بہت اچھے دوست ہیں، اکشے کمار بہت محنتی ہیں۔
View this post on Instagram