بالی ووڈ کنگ شاہ رخ خان تامل فلموں کے اداکار تھلاپتی وجے کے مداح نکلے، وجے کی نئی فلم پر انہوں نے نیک خواہشات کا اظہار کیا ہے۔
شاہ رخ خان نے سماجی رابطے کی ویب سائٹ ٹویٹر پر فلم بیسٹ جسے ہندی زبان میں را کا ٹائٹل دیا گیا ہے، کا ٹریلر شیئر کیا۔
شاہ رخ نے لکھا کہ وہ ہدایتکار اتلی کے ساتھ بیٹھے ہیں جو اداکار تھلاپتی وجے کے اتنے ہی بڑے مداح ہیں جتنے کہ وہ خود ہیں۔
انہوں نے اپنے ٹویٹ میں فلم بیسٹ کی پوری ٹیم کے لیے نیک خواہشات کا اظہار بھی کیا، انہوں نے لکھا کہ فلم کا ٹریلر بہت زیادہ معنی خیز، زبردست اور مضبوط لگتا ہے۔
Sitting with @Atlee_dir who is as big a fan of @actorvijay as I am. Wishing the best for beast to the whole team…trailer looks meaner…. Leaner… stronger!!https://t.co/dV0LUkh4fI
— Shah Rukh Khan (@iamsrk) April 5, 2022
یاد رہے کہ اداکار تھلاپتی وجے اپنی نئی فلم بیسٹ کے ساتھ بڑے پردے پر جلوہ گر ہونے کے لیے تیار ہیں، اس فلم کا تامل زبان میں ٹریلر 3 اپریل کو ریلیز ہوا جبکہ فلم کا ہندی ٹریلر گزشتہ روز ریلیز کیا گیا ہے۔
