بالی ووڈ سپر اسٹار شاہ رخ خان نے اسٹیج پر سیلفی لینے کی کوشش کرنے والے مداح کا فون چھین لیا۔
بھارتی میڈیا رپورٹ کے مطابق ریاض میں منعقدہ تقریب میں اداکار شاہ رخ خان کو اسٹیج پر اپنے ساتھ سیلفی لینے کی کوشش کرنےو الے مداح سے مسکراتے ہوئے فون لینے کے بعد کیمرہ کی جانب اشارہ کرتے ہوئے دیکھا گیا۔
بعدازاں اداکار نے مداح کو اس کا فون واپس کردیا۔
اسی دوران ایک اور مداح نے سیلفی لینے کی کوشش کی تو اداکار نے اس سے بھی فون لے لیا اور کیمرہ مین کی طرف دیکھنے کو کہا۔
شاہ رخ خان کی ویڈیو سوشل میڈیا پر وائرل ہوگئی اور صارفین کی جانب سے اس پر ملا جلا ردعمل دیا جارہا ہے۔
کچھ صارفین کا کہنا ہے کہ ’یہ تکبر ہے۔‘ کچھ کا ماننا ہے کہ شاہ رخ خان نے ایسا صرف پروٹوکول کو مدنظر رکھتے ہوئے کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں