ممبئی: بالی وڈ میں ’بادشاہ‘ کے لقب سے شہرت پانے والے سُپر اسٹار شاہ رخ خان نے سعودی عرب کی حکومت کے لیے خصوصی پیغام جاری کر دیا۔
میڈیا رپورٹس کے مطابق شاہ رخ خان نے سعودی عرب میں اپنی فلم ’ڈنکی‘ کی شوٹنگ مکمل کرلی جو آئندہ سال 22 دسمبر کو ریلیز ہوگی۔
شاہ رخ خان نے انسٹا گرام پر ویڈیو پیغام میں سعودی وزارت ثقافت کا فلم کی شوٹنگ کے لیے اجازت دینے پر شکریہ ادا کیا۔
انہوں نے کہا: ’سعودی وزارت ثقافت نے شوٹنگ کے لیے بہترین جگہ فراہم کی اور ساتھ ہی شاندار میزبانی بھی کی جس کے لیے میں ان کا مشکور ہوں۔‘
View this post on Instagram
خیال رہے کہ شاہ رخ خان نے سعودی عرب میں ریڈ سی فلم فیسٹیول میں شرکت جہاں انہیں فلمی دنیا میں خدمات کے لیے ایوارڈ دیا گیا۔
فیسٹیول میں شرکت سے قبل شاہ رخ خان نے عمرے کی سعادت حاصل کی جس کی تصاویر سوشل میڈیا پر خوب وائرل ہوئیں۔ تصاویر میں انہیں مکہ المکرمہ میں احرام کی حالت میں دیکھا گیا۔
https://twitter.com/teamsrkfc/status/1598330612917891072?ref_src=twsrc%5Etfw%7Ctwcamp%5Etweetembed%7Ctwterm%5E1598330612917891072%7Ctwgr%5E94c1765b1e51110603ba8de3febb36191d4e99a6%7Ctwcon%5Es1_c10&ref_url=https%3A%2F%2Furdu.arynews.tv%2Fshah-rukh-khan-performs-umrah-in-makkah%2F
اے آر وائی نیوز کی ڈیجیٹل ڈیسک کی جانب سے شائع کی گئی خبریں