The news is by your side.

Advertisement

کرونا وائرس، شاہ سلمان کا بڑے ریلیف کا اعلان

ریاض: سعودی فرمانروا شاہ سلمان بن عبدالعزیز نے فرمان جاری کیا ہے جس کے تحت بعض عدالتی فیصلوں اور احکامات پر عملدرآمد معطل کردیا گیا ہے۔

عرب میڈیا کے مطابق شاہی فرمان کے تحت نجی حقوق کے سلسلے میں ایسے قرض نادہندگان کو عارضی طور پر فوری رہا کرنے کا حکم دیا گیا ہے جنہیں عدالتی فیصلے پر عملدرآمد کرتے ہوئے حراست میں رکھا گیا تھا، شاہی فرمان کا اطلاق سعودی شہریوں اور ملک میں مقیم غیرملکیوں دونوں پر ہوگا۔

اسی طرح ان عدالتی احکامات پر عملدرآمد کو بھی معطل کردیا گیا ہے جن میں بچوں کی اپنے علیحدہ ہوجانے والے والدین میں سے کسی ایک سے ملاقات کو ممکن بنایا گیا تھا۔

رپورٹ کے مطابق کرونا وائرس کے پھیلاؤ کو روکنے کے لیے مطلوب تمام تر احتیاطی اقدامات مکمل ہونے کے متعلقہ کمیٹی کی جانب سے اعلان تک معطل رہے گا۔

مزید پڑھیں: سعودی عرب: کرونا وائرس سے نمٹنے کے لیے مزید 7 ارب ریال کی منظوری

سعودی وزیر انصاف اور عدلیہ کی سپریم کونسل کے سربراہ شیخ ڈاکٹر ولید بن محمد الصمعانی نے اس انسان دوست جذبے پر شاہ سلمان بن عبدالعزیز اور ولی عہد شہزادہ محمد بن سلمان کا شکریہ ادا کیا ہے۔

انہوں نے کہا کہ اس شاہی فرمان سے ثابت ہوتا ہے کہ مملکت میں اولین ترجیح صحت عامہ کو دی جاتی ہے، ان احکامات پر فوری طور پر عملدرآمد کرتے ہوئے جیل حکام کو مطلع کردیا گیا ہے اور کہا گیا ہے کہ تمام ضروری کارروائی مکمل کریں۔

fb-share-icon0
Tweet 20

Comments

comments

یہ بھی پڑھیں