The news is by your side.

Advertisement

شاہ سلمان کا تحفہ پاکستان پہنچ گیا

اسلام آباد: خادم حرمین شریفین شاہ سلمان بن عبدالعزیز کی جانب سے راشن پیکج پاکستان پہنچ گیا۔

تفصیلات کے مطابق شاہ سلمان کے فلاحی ادارے ‘کنگ سلمان ہیومینٹیرین ایڈ اینڈ ریلیف سینٹر’ نے راشن پیکج پاکستان کے حوالے کردیا، لاک ڈاؤن سے متاثرین اور مستحقین تک راشن پہنچانے کا آغاز بھی کردیا گیا ہے۔

امدادی پیکج میں دیے گئے ہر راشن کے بیگ میں 10 کلو آٹا، 5 کلو چینی، 5 کلو چاول، 5 لیٹر ککنگ آئل، 2 کلو خشک دودھ، آدھا کلو چائے کی پتی اور 2 کلو کھجوریں شامل ہیں۔

امدادی سامان کی مالیت تقریباً 16 کروڑ 61 لاکھ ہے، راشن حکومت پنجاب کے تعاون سے لاہور سمیت پنجاب کے 10 اضلاع میں تقسیم کیا جائے گا، انتظامیہ نے امید ظاہر کی ہے کہ تقسیم کا مرحلہ جلد مکمل کرلیا جائے گا۔

رمضان المبارک: شاہ سلمان کا 18 ممالک کے شہریوں کے لیے بڑا اعلان

پاکستان میں تعینات سعودی سفیر نواف بن سعید المالکی نے راشن بیگز کی صورت میں امدادی سامان جمعرات کو اسلام آباد میں گورنر پنجاب چوہدری محمد سرور کے سپرد کیا تھا۔

خیال رہے کہ 5 ٹیمیں راشن کی تقسیم کے امور کی نگرانی کررہی ہیں۔ اس راشن پیکج سے پنجاب میں ایک لاکھ سے زائد افراد مستفید ہوں گے۔ امداد کی تقسیم میں دیگر متعلقہ اداروں سے بھی تعاون حاصل کیا جائے گا۔

Comments

یہ بھی پڑھیں