شاہ زین بگٹی نے پی ٹی آئی کے چیئرمین کی حمایت کا اعلان کر دیا Imran Khan
The news is by your side.

Advertisement

شاہ زین بگٹی نے عمران خان کی حمایت کا اعلان کر دیا

اسلام آباد: رہنما جمہوری وطن پارٹی کے سربراہ شاہ زین بگٹی نے پی ٹی آئی کے چیئرمین عمران خان کی حمایت کا اعلان کر دیا.

تفصیلات کے مطابق بنی گالا کے باہر میڈیا سے گفتگو کرتے ہوئے شاہ زین بگٹی نے کہا کہ وزیراعظم کا ووٹ عمران خان کو دیں گے.

اس موقع پر شاہ زین بگٹی نے کہا کہ بلوچستان میں اسپتال نہیں، تعلیمی ادارے نہ ہونے کے برابر ہیں، وہاں ترقی کی ضرورت ہے۔

ان کا کہنا تھا کہ عمران خان نےآئی ڈی پیزکی واپسی کی یقین دہانی کرائی ہے، پی ٹی آئی قیادت سےبنیادی سہولتوں کی فراہمی پربات کی ہے.

ملاقات میں عمران خان نے کہا کہ شاہ زین بگٹی اور ان کی جماعت کو ہر ممکن معاونت فراہم کریں گے،  بلوچستان کی محرومیوں کا ازالہ ترجیحات میں سرفہرست ہے۔

قبل ازیں جمہوری وطن پارٹی کے رہنماشاہ زین بگٹی کی بنی گالہ آمد ہوئی، جہاں‌ شاہ محمودقریشی، جہانگیر ترین نے ان کا استقبال کیا.

واضح رہے کہ وزیر اعظم کا انتخاب ممکنہ طور پر 15اگست کو پارلیمنٹ میں ہو گا، جہاں عمران خان کا مقابلہ اپوزیشن کے متفقہ امیدوار مسلم لیگ ن کے صدر شہباز شریف سے ہے۔

یاد رہے کہ پی ٹی آئی کے ترجمان فواد چوہدری نے یہ دعویٰ کیا ہے کہ ان کی پارٹی سادہ اکثریت سے  زیادہ ارکان کی حمایت حاصل کر چکی ہے۔

Comments

comments

یہ بھی پڑھیں