پاکستان تحریک انصاف کے رہنما نے شہباز گل نے پٹرولیم مصنوعات کی قیمتوں میں اضافے پر کہا ہے کہ یہ مہنگائی کے بیج نہیں بلکہ غداری کی قیمت ہے جو عوام ادا کرے گی۔
پی ٹی آئی رہنما شہباز گل نے سماجی رابطوں کی ویب سائٹ ٹوئٹر پر حکومت کی جانب سے پٹرولیم مصنوعات کی قیمتوں میں 30 روپے فی لیٹر ریکارڈ اضافے پر طنزیہ ٹوئٹ کرتے ہوئے کہا ہے کہ یہ مہنگائی کے بیج نہیں بلکہ غداری کی قیمت ہے جو عوام ادا کرے گی۔
شہباز گل نے اپنے ٹوئٹ میں مزید کہا کہ عمران خان نے ریکارڈ ٹیکس کلیکشن کی اور عوام کاپیسہ عوام پر ہی خرچ کرکے پٹرولیم مصنوعات پر سبسڈی دی۔
پی ٹی آئی رہنما نے کہا کہ عمران خان کا کا پلان روس سے سستا پٹرول اور گیس خریدنا تھا، اس پلان کو میر صادق اور جعفر کے ذریعے سبوتاژ کیا گیا اور اس کی قیمت اب عوام بھرے گی۔
شہباز گل نے مزید کہا کہ یہ مہنگائی کے بیج نہیں بلکہ غداری کی قیمت ہے جو عوام ادا کریگی۔
عمران خان نے ریکارڈ ٹیکس کولیکشن کی اور عوام کا پیسہ عوام پر خرچ کر کے پٹرولیم مصنوعات پرسبسڈی دی
یہ مہنگائی کے بیج نہیں غداری کی قیمت ہے جو عوام ادا کرے گی
روس سے سستا پٹرول اور گیس خریدنے کے عمران خان کے پلان کو میر صادق اور جعفر کے ذریعے سبوتاژ کرنے کی قیمت
عوام بھرے گی اب pic.twitter.com/LFfpgzUl9G— Dr. Shahbaz GiLL (@SHABAZGIL) May 27, 2022
واضح رہے کہ حکومت نے پٹرول کے بعد آٹے کی قیمت میں بھی اضافہ کردیا ہے۔
مزید پڑھیں: شہباز حکومت نے پیٹرول کے بعد عوام پر ایک اور بم گرادیا
یوٹیلٹی اسٹورز پر 20 کلو آٹے کے تھیلے کی قیمت میں 180 روپے کا اضافہ کیا گیا ، جس کے بعد یوٹیلٹی اسٹورزپر 20 کلوآٹے کا تھیلا 980 روپے کا ہوگیا جبکہ دس کلو آٹے کا تھیلا 90 روپے مہنگا ہوکر 490 روپے کا ہوگیا۔