پاکستان تحریک انصاف کے رہنما شہباز گل نے کہا ہے کہ پنجاب اسمبلی کے آج ہونے والے اجلاس میں پی ٹی آئی اراکین اسمبلی شرکت نہیں کریں گے۔
پنجاب اسمبلی کا اجلاس آج طلب کیے جانے پر پی ٹی آئی رہنما شہباز گل نے عوامی رابطوں کی ویب سائٹ ٹوئٹر پر ٹوئٹ کیا ہے جس میں کہا گیا ہے کہ پنجاب اسمبلی کے آج کے اجلاس میں پی ٹی آئی ارکان شرکت نہیں کرینگے۔
شہباز گل نے اپنے ٹوئٹ پیغام میں مزید لکھا ہے کہ پی ٹی آئی ارکان 16 اپریل کے اجلاس میں شرکت کریں گے کیونکہ قانونی طور پر اجلاس کا نوٹیفکیشن 16 اپریل کا ہی ہوا ہے۔
پنجاب اسمبلی کے آج کے اجلاس میں PTi کے ممبران شرکت نہیں کریں گے۔ بلکہ وہ 16 اپریل کے اجلاس میں شرکت کریں گے۔ قانونی طور پر اجلاس کا نوٹیفکیشن 16 اپریل کا ہی ہوا ہے۔رات کی تاریکی میں ایک TVچینل پرسادہ پرچی نشر کرنے پر ہمارے اراکین اسمبلی نہیں جائیں گے۔تاریخیں بھی خریدی جا رہی ہیں
— Dr. Shahbaz GiLL (@SHABAZGIL) April 6, 2022
پی ٹی آئی رہنما نے مزید لکھا ہے کہ تاریخیں بھی خریدی جارہی ہیں، رات کی تاریکی میں ایک ٹی وی چینل پر سادہ پرچی نشر کی گئی، سادہ پرچی نشرکرنے پر ہمارے اراکین اسمبلی نہیں جائیں گے۔
واضح رہے کہ ڈپٹی اسپیکر پنجاب اسمبلی دوست محمد مزاری کیخلاف پی ٹی آئی اراکین اسمبلی نے تحریک عدم اعتماد جمع کرادی ہے۔
مزید پڑھیں: ڈپٹی اسپیکر پنجاب اسمبلی دوست محمد مزاری کیخلاف تحریک عدم اعتماد جمع
یہ تحریک عدم اعتماد پی ٹی آئی رہنماؤں محمود الرشید، احمد خان، سبطین خان ودیگر کی جانب سے سیکریٹری اسمبلی کے دفتر میں جمع کرائی گئی۔
اسمبلی نہیں جائیں گے۔
اس حوالے سے صوبائی وزیر فیاض الحسن چوہان نے اے آر وائی نیوز سے گفتگو کرتے ہوئے کہا کہ 2اپریل کو دوست مزاری حمزہ شہباز سے میٹنگ کررہے تھے ، دوست محمد مزاری حمزہ شہباز اور اپوزیشن کےاشارے پر چل رہےہیں۔