The news is by your side.

Advertisement

حمزہ شہباز کے منہ سے غریب کے حق کی باتیں اچھی نہیں لگتیں: شہباز گل

لاہور: ترجمان وزیر اعلیٰ پنجاب، شہباز گل نے کہا ہے کہ حمزہ شہباز کے منہ سے غریب کے حق کی باتیں اچھی نہیں لگتیں.

ان خیالات کا اظہار انھوں نے اپوزیشن لیڈر پنجاب حمزہ شبہاز کے بیان پر ردعمل دیتے ہوئے کیا. شہباز گل نے کہا کہ معیشت کو خطرے میں حمزہ شہباز کے بڑوں کی کرپشن نے ڈالا ہے، ہم اس کا خمیازہ بھگت رہے ہیں.

انھوں نے کہا کہ حمزہ شہباز گیدڑ  بھپکیاں نہ ماریں، لوٹی ہوئی دولت کا حساب دیں، عوام جاننا چاہتے ہیں کہ پاپڑ  والے اور  فالودے والے سے ان کا کیا تعلق ہے.

ترجمان وزیر اعلیٰ پنجاب نے کہا کہ ان کی سیڑھی لگا کر بھاگنے کی تصاویر عوام کے سامنے ہیں، ان کے منہ سے غریبوں کی باتیں اچھی نہیں لگتیں.

مزید پڑھیں: ووٹ کوعزت دینے والے وزیر اعلیٰ پنجاب کوعزت دیں:‌ فردوس عاشق اعوان

خیال رہے کہ آج حمزہ شہباز نے حکومت کو تنقید کا نشانہ بناتے ہوئے کہا تھا کہ جھوٹے وعدے کرنے والوں نے قوم کو مہنگائی میں دھکیل دیا ہے، آج ملک کی معیشت وینٹی لیٹر پر ہے۔

انھوں نے پنجاب اسمبلی کے اجلاس کے موقع پر خطاب کرتے ہوئے کہا کہ پشاور کے بی آرٹی منصوبے کی رپورٹ آئی تو اسے کوئی پوچھنے والا نہیں ہے، خود پی ٹی آئی حکومت کی رپورٹ یہ کہتی ہے7ارب روپے کی کرپشن ہوئی۔

Comments

comments

یہ بھی پڑھیں