The news is by your side.

Advertisement

عوام کو پانی نہ ملا، مگر شہباز شریف کے داماد نے کروڑوں کا کمیشن کما لیا: شہباز گل

اسلام آباد: وزیر  اعلیٰ پنجاب کے ترجمان شہباز گل نے کہا ہے کہ عوام کو پانی نہ ملا، مگر شہباز شریف کے داماد نے کروڑوں کا کمیشن کما لیا۔

ان خیالات کا اظہار انھوں نے سابق دور حکومت میں شہباز شریف کی کرپشن کے حوالے سے بیان دیتے ہوئے کیا.

انھوں نے کہا کہ سابق وزیر اعلیٰ نے پنجاب کے عوام کو ہر منصوبےمیں چونا لگایا، پنجاب اسپیڈ کے دور کی جو بھی فائل کھولی، نیا اسکینڈل سامنے آیا، لاہوریوں کے کوڑا کرکٹ اٹھانے پر بھی کمیشن کمانے سے باز نہ آئے.

شہبازگل نے کہا کہ لاہور کا 100 کروڑ میں اٹھایا جانے والا کوڑا 17 سو کروڑ میں اٹھایا جاتا رہا، گزشتہ دور میں پنجاب کی ویسٹ مینجمنٹ کمپنیوں میں لمبا مال بنایا گیا، 56 کمپنیوں سمیت ہرکام عجلت،من پسند افراد کو نوازنے کے لیے کیا گیا.

مزید پڑھیں: مریم صفدر نے جھوٹ بولنے میں ریکارڈ قائم کیے، شہباز گل

شہباز گل نے کہا کہ صاف پانی تو نہ مل سکا، مگر شہباز شریف کے داماد نے کروڑوں کمائے شوباز شریف اداروں کو دھمکانے کی بجائے ٹی ٹیز کا حساب دیں، پارکنگ کمپنی، ماڈل بازار، صاف پانی منصوبے کرپشن کی مثالیں ہیں.

انھوں نے کہا کہ شوبازیوں سے عوام کو گمراہ کرنے والےاداروں کو بدنام کر رہے ہیں، چچا بھتیجی پارٹی صدارت کے لئے لڑائی بعد میں کریں، پہلے لوٹی دولت کاحساب دیں.

Comments

یہ بھی پڑھیں