The news is by your side.

شہباز گل نے درخواست ضمانت دائر کردی

اسلام آباد : تحریک انصاف کے رہنما شہباز گل نے سیشن کورٹ میں درخواست ضمانت دائر کردی۔

تفصیلات کے مطابق اداروں میں بغاوت پر اکسانے کا الزام میں پی ٹی آئی رہنما شہباز گل نے سیشن کورٹ میں درخواست ضمانت دائر کردی۔

درخواست میں کہا گیا کہ میرے خلاف مقدمہ بد نیتی اور سیاسی بغض کی بنیاد پر بنایا گیا ، بیان کے توڑ مروڑ کر تقریر کا کچھ حصہ اٹھا کر مقدمہ درج کیا گیا۔

شہباز گل کا کہنا تھا کہ میں پروفیسر ہوں اور بیرون ملک درس گاہوں میں پڑھاتا رہا ہوں، مقدمہ میں جو دفعات لگی ہیں وہ بنتی ہی نہیں۔

درخواست میں استدعا کی گئی کہ مجھے بد نیتی کے تحت مقدمہ میں پھنسایا گیا ہے، درخواست ضمانت منظور کی جائے۔

گذشتہ روز عدالت نے شہباز گل کے جسمانی ریمانڈ کی استدعا مسترد کرتے ہوئے پی ٹی آئی رہنما کو جوڈیشل ریمانڈ پر جیل بھیج دیا تھا۔

دوران سماعت پولیس نے پی ٹی آئی رہنما کے مزید 7 روز کا جسمانی ریمانڈ لینے کی استدعا کی تھی۔

پولیس اور میڈیکل رپورٹ عدالت کے سامنے پیش کی گئی ، اسپیشل اسیکیوٹر راجا رضوان عباسی نے موقف اختیار کیا تھا کہ ہر روز پولیس ملزم سے تفتیش کر رہی ہے، تفتیش مکمل نہیں ہوئی، ابھی ہمیں کچھ سوالات کے جوابات درکار ہیں، مرکزی موبائل جو شہباز گل استعمال کرتا تھا اسکی برآمدگی مقصود ہے، اس لیے اس کی حراست ضروری ہے اور ملزم کا لاہور سے پولی گرافک ٹیسٹ بھی کرانا ہے۔

Comments

یہ بھی پڑھیں