The news is by your side.

Advertisement

نوازشریف نئے غدار ہیں جو پنجاب کے خلاف ہیں، شہباز گل

اسلام آباد : معاون خصوصی شہباز گل نے کہا ہے کہ نوازشریف ایک نئے غدار ہیں جو پنجاب کے خلاف ہیں، پنجاب نے آزادی کی لڑائی کسی سے کم نہیں لڑی۔

پی ڈی ایم کے لاہور جلسے میں ہونے والی تقریر سے متعلق میڈیا سے گفتگو کرتے ہوئے انہوں نے کہا کہ پنجاب کو دیکھیں تو7نشان حیدر لینے والے یہاں سے ہیں، نشان حیدر ملتا نہیں ہے دشمن سے چھیننا پڑتا ہے۔

شہبازگل کا کہنا تھا کہ پنجاب نے آزادی کی لڑائی کسی سے کم نہیں لڑی، یہ پنجاب ہی تھا جو آزادی کی لڑائی میں دولخت ہوا، پنجاب میں لوگ شہید ہوئے ان کی عصمت دریاں ہوئیں، یہاں کے کسانوں نے پاکستان کے لیے قربانیاں دی۔

معاون خصوصی نے محمود اچکزئی کا نام لئے بغیر کہا کہ جن لوگوں نے ابھی روپ دھارا ہے یہ جدی پشتی پاکستان کے خلاف ہیں، سب سے پہلے ان لوگوں نے کراچی میں مہاجروں کی دل شکنی کی۔

شہبازگل نے ن لیگ کے عام ایم پی ایز کو مخاطب کرتے ہوئے کہا کہ آپ لوگ اس ٹبر کے پیچھے نہیں چلیں ورنہ آپ کی آنے والی نسلیں اس کا جواب نہیں دے سکیں گی۔ ن لیگ کے سمجھدار کارکن آگے بڑھیں اور کل کے بیان کی مذمت کریں۔

انہوں نے کہا کہ لاہور سے پی ایم ایل نے 30نشستیں جیتی ہوئی ہیں، جو ایم اپی اے جلسے میں ایک ہزارافراد بھی نہیں لاسکا اسے استعفیٰ دے دینا چاہیے، ارکان اسمبلی کو اپنی وفاداری پاکستان سے رکھنی چاہیے۔

شہبازگل نے کہا کہ کل ان شریفوں کے راج کا آخری دن تھا ایک سحر تھا تو جو ٹوٹ گیا، آپ کو کئی دن تک گرد و غبار نظرآئے گا اب ان کی داستان دفن ہوگئی ہے، اخلاقی طور آپ اسمبلی میں رہنے کا حق کھو چکے ہیں۔

Comments

یہ بھی پڑھیں