The news is by your side.

Advertisement

یہ ڈیزل کون پی گیا ہے؟ لسی سمجھ کر؟ شہباز گل کا طنز

لاہور : تحریک انصاف کے رہنما شہبازگل نے ڈیزل بحران پر پر طنز کرتے ہوئے کہا ہے کہ یہ ڈیزل کون پی گیا ہے؟لسی سمجھ کر؟

تفصیلات کے مطابق تحریک انصاف کے رہنما شہبازگل نے ڈیزل بحران پر سماجی رابطے کی وہب سائٹ‌ ٹوئٹر پر اپنے طنز کرتے ہوئے کہا کہ یہ ڈیزل کون پی گیا ہے؟لسی سمجھ کر؟ کیوں کسانوں کو ذلیل کیا جا رہا ہے ، کسان کئی ماہ تک دن رات محنت کر کے وطن کیلئے اناج پیدا کرتا ہے، اب تیارفصل کاٹنے کی مشینری چلانے کیلئے ڈیزل کیلئے خوار ہو رہا ہے، امپورٹڈ حکومت کی لوٹ مار سےکوئی سیکٹر محفوظ نہیں۔

خیال رہے نئی حکومت کے آتے ہی ایک اور بحران نے سر اٹھا لیا۔ مختلف شہروں میں ڈیزل نایاب ہوگیا، جس کے باعث کسان پریشان ہیں۔

فورٹ عباس ، چشتیاں ، حویلی لکھاں ۔۔۔ تلمبہ اور پنجاب کے دیگر علاقوں میں ڈیزل غائب ہوگیا۔ کسانوں کا کہنا ہے کہ زمینوں پر گندم کے فصل کی پوری کٹائی نہیں کرسکتے، آئندہ کیا کریں گے، عمران خان کی حکومت ہی اچھی تھی، شہباز شریف کی حکومت کسی کام کی نہیں۔

کاشت کاروں کو فصلوں کو سیراب کرنے میں شدید مشکلات کا سامنا ہے، جس سے گندم کی کٹائی اور دھان کی کاشت متاثر ہونے کا خدشہ ہے، کسان ڈیزل کی تلاش میں مارے مارے پھرنے لگے ہیں۔

Comments

یہ بھی پڑھیں