معاون خصوصی ڈاکٹر شہبازگل نے کہا ہے کہ عمران خان نے وعدہ پورا کیا ہے اگلے الیکشن ای اوی ایم سے ہوں گے اوورسیز کی ووٹنگ بھی آئن لائن ہوگی۔
میڈیا سے گفتگو کرتے ہوئے معاون خصوصی نے کہا اوورسیزپاکستانیوں کاشکریہ اداکرتاہوں اورمبارکباد دیتا ہوں، عمران خان کےساتھ اوورسیز پاکستانی ان کے ساتھ عمران خان کھڑے ہیں۔
شہبازگل نے کہا کہ باجی 15دن کی چھٹی پر چلی گئی ہے باجی اس لیےچھٹی پر گئی ہے کہ نئی آڈیو آرہی ہے وہ آڈیو بھی میڈیا کے استحصال کے حوالے سے ہے ہمیں کہا جاتا تھا نوکریوں سے نکلوایا گیا ہے اس آڈیو میں پتہ چلے گا کہ کس کو نکالا ہےکہاں سے نکالا ہے 15دن میں باجی آگئی تومیرا نہیں خیال صحافیوں کا سامنا کرنے پر آمادہ ہوگی۔
انہوں نے کہا کہ عمران خان گوجرانوالہ میں یونیورسٹی، چلڈرن اسپتال دینےجا رہے ہیں گوجرانوالہ سے وعدے تو کیے گئے مگر کچھ نہیں کیا گیا اگلے ہفتے راشن کارڈ دینےجا رہےہیں، غریب کریانہ اسٹور سے30فیصدسستی چیزیں خریدسکتا ہے راشن کارڈ جس کی آمدن 50ہزار سے کم ہوگی اسے دیا جائےگا۔
شہبازگل نے کہا کہ 30مارچ سے پنجاب کے ہر شخص کے ہاتھ میں ہیلتھ کارڈ ہوگا عوام کے ہاتھ میں ہیلتھ اور تعلیم کارڈہوگا، 5سال مکمل ہوئے تو یہاں پر اسپتال اور یونیورسٹی ہوگی کوشش کررہے ہیں مہنگائی کم کریں یہی وزیراعظم ہیں جو آپ کی تکلیف کوسمجھتا ہے۔
ان کا کہنا تھا کہ آغا سراج درانی مفرور تھے سپریم کورٹ سےگرفتارہوئے ہیں ایک مہینے سےصوبے کا اسپیکر فرار تھا کسی نے ٹی وی پر چوں نہیں کی، عمران خان نے کوئی مل لگائی نہ ہی لندن میں اپارٹمنٹ خریدے ہیں؟ عمران خان نےپہلےدن ہی پناہ گاہ کی بات کی۔
