The news is by your side.

Advertisement

محترمہ مریم صفدر اعوان ایک مجرمہ ہیں، شہباز گل

لاہور : ترجمان وزیراعلیٰ پنجاب شہباز گل نے کہا محترمہ مریم صفدر اعوان ایک مجرمہ ہیں ، آج ریلو کٹوؤں کا پاور شو نہیں بلکہ پور شو ہوگا ،یوم سیاہ منانے والوں کا سیاسی مستقبل سیاہ ہے۔

تفصیلات کے مطابق ترجمان وزیراعلیٰ پنجاب شہباز گل نے سماجی رابطے کی ویب سائٹ ٹوئٹر پر اپنے بیان میں کہا محترمہ مریم صفدر اعوان ایک مجرمہ ہیں، عوام کوڈرادھمکاکےدکانیں بندکرانےکی اجازت نہیں دیں گے ، زبردستی دکانیں بندکرانےوالوں کیخلاف قانون حرکت میں آئےگا، قانون نافذ کرنے والے ادارے لوگوں کی املاک کی حفاظت کریں گے۔

شہباز گل کا اپوزیشن کے یوم سیاہ کے حوالے سے کہنا تھا کہ آج ریلو کٹوؤں کا پاور شو نہیں بلکہ پور شو ہوگا، 25 جولائی یوم احتساب ہے، یوم سیاہ منانے والوں کا سیاسی مستقبل سیاہ ہے، شہر اور مارکیٹیں معمول کے مطابق کھلیں گی، مارکیٹیں زبردستی بند کرانے اور قانون ہاتھ میں لینے پر سختی سے نمٹا جائے گا۔

ترجمان وزیراعلیٰ پنجاب نے مزید کہا قوم اب لٹیروں کایوم سیاہ منائے گی، بریانی پر جلسیاں ہوسکتی ہیں،جلسے نہیں۔

خیال رہے متحدہ اپوزیشن حکومت کا ایک سال پورا ہونے پر آج یوم سیاہ منارہی ہے ، اس سلسلے میں اپوزیشن جماعتوں کی جانب سے چاروں صوبوں میں احتجاجی جلسوں کا انعقاد کیا گیا ہے۔

بلاول بھٹوزرداری کراچی میں اورشہبازشریف لاہور میں خطاب کریں گے جبکہ مولانافضل الرحمان پشاور میں اورمریم نواز کوئٹہ میں خطاب کریں گی۔

Comments

یہ بھی پڑھیں