نوازشریف بیمار نہیں ہیں، مریم نواز کا دعویٰ جھوٹا ہے، ترجمان پنجاب حکومت -
The news is by your side.

Advertisement

نوازشریف بیمار نہیں ہیں، مریم نواز کا دعویٰ جھوٹا ہے، ترجمان پنجاب حکومت

لاہور : ترجمان پنجاب حکومت شہباز گل نے کہا ہے کہ مریم نواز کا دعویٰ جھوٹا ہے کہ نوازشریف کو ڈاکٹرسے ملنےنہیں دیا گیا، نوازشریف بیمار نہیں ہیں ان کا معائنہ ذاتی معالج نے کیا ہے۔

ان خیالات کا اظہار انہوں نے اے آر وائی نیوز کے پروگرام اعتراض ہے میں میزبان عادل عباسی سے خصوصی گفتگو کرتے ہوئے کیا۔
شہباز گل کا کہنا تھا کہ نوازشریف نے اپنے ذاتی معالج ڈاکٹر عدنان سے صرف بیس سیکنڈ ملاقات کی۔ سیکنڈوں کی ملاقات سے ثابت ہوجاتا ہے کہ نوازشریف کی صحت کیسی ہے۔

انہوں نے بتایا کہ ڈاکٹر عدنان نے شام5بج کر38منٹ پرجیل حکام سےمیسج پر رابطہ کیا، ڈاکٹرعدنان کو 5بج کر54منٹ پر جیل حکام نے میسج کا جواب دیا بعد میں ڈاکٹرعدنان نے نوازشریف کے میڈیکل چیک اپ کیلئے کہا۔

ڈاکٹرعدنان کو بتایا گیا کہ جیل کے ڈاکٹر نے نوازشرف کا طبی معائنہ کیا ہے ان کو نوازشریف کے طبی معائنے کی رپورٹ سے آگاہ بھی کیا گیا، ڈاکٹرعدنان کو بلڈپریشر، شوگر لیول اورہارٹ بیٹ کا بتایا گیا۔

شہباز گل نے مزید کہا کہ گزشتہ روز ڈاکٹرعدنان نے نوازشریف سے ملاقات بھی کی ہے، ان سے نوازشریف نے صرف 20سیکنڈ ملاقات کی، چند سیکنڈوں کی ملاقات سے ثابت ہوا کہ نوازشریف کی صحت کیسی ہے، نوازشریف بیمارہیں تو کیا اپنے ڈاکٹر سے صرف 20سیکنڈز ہی ملیں گے؟

جیل انتظامیہ نے ڈاکٹرعدنان سے کہا ہے کہ اگر آپ ملنا چاہتے ہیں تو کل آجائیں، جیل مینوئل کے تحت شام چھ بجے کے بعد غیرمتعلقہ شخص کو آنے کی اجازت نہیں ہے، مریم نواز نے نوازشریف کو ڈاکٹر سے ملنے نہ دینے کی غلط بات کی ہے۔

Comments

comments

یہ بھی پڑھیں