اسلام آباد : وزیر اعظم کے معاون خصوصی ڈاکٹر شہباز گل نے کہا ہے کہ عمران خان گھر کا تمام خرچ ذاتی جیب سے ادا کرتے ہیں جاتی امرا میں 70 کلومیٹر باؤنڈری اور صدقے کے بکرے سرکاری مال سے خریدے جاتے تھے۔
یہ بات انہوں نے سماجی رابطے کی ویب سائٹ ٹوئٹر پر نا لیگ کے رہنما شہباز شریف کو مخاطب کرتے ہوئے کہی، انہوں نے کہا کہ چچا جی ! عمران خان گھر کا تمام خرچ ذاتی جیب سے ادا کرتے ہیں، آپ کس منہ سے ان کی بات کرتے ہیں.
چچا جی
وزیراعظم عمران خان گھرکاتمام خرچ ذاتی جیب سے اداکرتے ہیں
آپ کس منہ سے بات کرتے ہیں جواپنے اوربچوں کے گھروں کے خرچ،2200پولیس اہلکار،جاتی عمرہ محل کی 70 کلومیٹر باؤنڈری،صدقے کے بکرے،خیرات اور بزرگوں کے ختم تک پر بے دردی سے سرکاری مال لگاتے تھے
کہاں راجہ بھوج کہاں گنگو تیلی! pic.twitter.com/JrRWiotATF— Dr. Shahbaz GiLL (@SHABAZGIL) July 15, 2020
شہباز گل نے کہا کہ آپ تو اپنے اور بچوں کے گھروں اور2200پولیس اہلکار پر سرکاری مال خرچ کرتے تھے، جاتی امرا میں 70 کلومیٹر باؤنڈری،صدقے کے بکرے بھی سرکاری مال سے خریدے جاتے تھے، خیرات اور بزرگوں کے ختم تک پر بے دردی سے سرکاری مال لگاتے تھے، کہاں راجہ بھوج کہاں گنگو تیلی!
جواب دہ آپ ہیں کہ بھینسیں اربوں کادودھ کیسے دیتی تھیں،TTsاور بے نامی اکاؤنٹس سے سرمایہ کیسے آتا تھا؟بڑے میاں نے لندن کے21اوردبئی کے51دورے سرکاری خرچ پرکھڑکادیے سب لاحاصل،آج وزیراعظم دنیامیں جہاں جائیں اسکاواضح امپیکٹ دکھائی دیتا ہے اوردورے پر خرچ آپ کے مقابلے میں نہ ہونے کے برابر pic.twitter.com/6qA92obNnZ
— Dr. Shahbaz GiLL (@SHABAZGIL) July 15, 2020
انہوں نے کہا کہ شہباز شریف صاحب جواب دہ آپ ہیں کہ بھینسیں اربوں روپے کا دودھ کیسے دیتی تھیں، ٹی ٹیز اور بے نامی اکاؤنٹس سے سرمایہ کیسے آتا تھا؟
بڑے میاں نے لندن کے21اور دبئی کے51دورے سرکاری خرچ پر کھڑکا دیے جو سب لاحاصل رہے جبکہ آج وزیراعظم دنیا میں جہاں جائیں اس کا واضح امپیکٹ دکھائی دیتا ہے اور بیرونی دوروں پر خرچ آپ کے مقابلے میں نہ ہونے کے برابر ہے۔
انہوں نے کہا کہ یہ آپ کی بد دیانتی ہے کہ پہلے اپنے لفافوں سے جھوٹی خبریں پھیلاتے ہیں پھر ان ہی خبروں پر جھوٹے تبصرے اور پھر آخر میں آپ کی جھوٹی ہمدردیاں، آپ لوگ ایک مافیا ہیں اور عمران خان کو آپ سمیت کئی مافیاز کا سامنا ہے۔ وہ انشاللہ سرخرو کرے گا۔
