The news is by your side.

Advertisement

10 فیصد سپرٹیکس لگانے کا فیصلہ ، مہنگائی کے طوفان میں مزید شدت کا خطرہ’

لاہور : تحریک انصاف کے رہنما ڈاکٹر شہباز گل کا کہنا ہے کہ صنعتوں پر 10 فیصد سپرٹیکس لگانے کے فیصلے سے مہنگائی کے طوفان میں مزید شدت آئے گی۔

تفصیلات کے مطابق تحریک انصاف کے رہنما ڈاکٹر شہباز گل نے سماجی رابطے کی وپب سائٹ ٹوئٹر پر وزیراعظم کی جانب سے سپر ٹیکس لگانے کے اعلان کے بعد ردعمل دیتے ہوئے کہا کہ صنعتوں پر 10 فیصد سپرٹیکس لگانے کے فیصلے کے نتیجے میں بے روزگاری میں اضافہ ہوگا۔

شہبازگل کا کہنا تھا کہ گروتھ میں مزید کمی اور کھادسمیت ہرشےکی قیمت میں 10فیصد مزید اضافہ ہوگا ، جس سے مہنگائی کے طوفان میں مزید شدت آئے گی ، عمران خان نے بنا ایسے ظالمانہ اقدامات کے ٹیکس کلیکشن میں ریکارڈ اضافہ کیا۔

خیال رہے وزیراعظم ک شہباز شریف نے معاشی ٹیم کے ساتھ اجلاس کے بعد قوم سے خطاب میں کہا ہوئے بڑی صنعتوں پر سپر ٹیکس لگانے کا اعلان کیا۔

انہوں نے کہا کہا غربت کم کرنے کے نام پر اسٹیل، سیمنٹ، شوگرملز،آئل اینڈ گیس سیکٹر،فرٹیلائزر،ٹیکسٹائل، انرجی اینڈ ٹرمینل اوربینکنگ سیکٹر پر دس فیصد ٹیکس لگا رہے ہیں ، حکومت کو سخت فیصلے لینے پڑے ہیں مگر انہی کی وجہ سے پاکستان دیوالیہ پن کے دھانے سے نکلے گا۔

Comments

یہ بھی پڑھیں