The news is by your side.

Advertisement

بلاول والد کے پیسوں سے افطار ڈنر دے رہے ہیں، کرپشن بچانے کے لیے رمضان کا تقدس پامال نہ کریں: شہباز گل

لاہور: ترجمان وزیر اعلیٰ پنجاب شہباز گل نے حمزہ شہباز کے بیان پر رد عمل دیتے ہوئے کہا ہے کہ پی پی اور ن لیگ کا گٹھ جوڑ کرپشن بچانے کی نا کام کوشش ہے، اپنی کرپشن بچانے کے لیے ماہ مقدس کا تقدس پامال نہ کریں۔

تفصیلات کے مطابق شہباز گل نے حمزہ شہباز کے بیان پر تنقید کرتے ہوئے کہا ہے کہ بلاول آج حمزہ اور مریم سے پوچھیں گے کہ زرداری کو سڑکوں پر کب گھسیٹنا ہے؟

انھوں نے کہا کہ بلاول والد کے پیسوں سے افطار ڈنر دے رہے ہیں، کرپشن بچانے کے لیے ماہ مقدس کا تقدس پامال نہ کریں۔

ڈاکٹر شہباز گل کا کہنا تھا کہ ملکی معیشت کو نقصان ان کی کرپشن اور ٹی ٹی ٹرانزیکشنز سے ہوا، 10 سال میں 50 ارب ڈالر قرضہ لے کر بیرون ملک جائیدادیں بنائی گئیں، آج سوئس بینک اور ایون فیلڈ جائیدادیں بچانے پر حکمت عملی طے ہوگی۔

ترجمان نے کہا کہ عوام نے دیکھ لیا ہے کہ زرداری اور شریف خاندان ایک ہی سکے کے دو رخ ہیں، چوروں کو بے نقاب کرنا اور ان کا گٹھ جوڑ عمران خان کی کام یابی ہے، کرپشن گُرو عوام کو گمراہ کرنے کی بجائے نیب کو اپنے کرتوتوں کا جواب دیں۔

یہ بھی پڑھیں:  اپوزیشن جماعتیں اکھٹی ہو رہی ہیں، ملکی معاملات پر بات چیت ہوگی: حمزہ شہباز

خیال رہے کہ پنجاب اسمبلی میں قائد حزب اختلاف حمزہ شہباز نے بلاول بھٹو کے افطار ڈنر میں شرکت کے لیے اسلام آباد روانگی سے قبل میڈیا سے گفتگو کرتے ہوئے کہا کہ اپوزیشن جماعتیں آج اکٹھی ہو رہی ہیں، ملکی معاملات پر بات چیت ہوگی۔

انھوں نے کہا ملک کو بدترین معاشی بحران کا سامنا ہے، عمران خان کو کارکردگی بہتر کرنا ہوگی یا گھر جانا ہو گا، موجودہ حکمران نا اہل ہیں، عوام ان کے جھوٹ پر توجہ نہ دیں۔

Comments

comments

یہ بھی پڑھیں