The news is by your side.

Advertisement

شہباز شریف کا ایف آئی اے کی تحقیقاتی ٹیم پر ہراساں کرنے کا الزام

لاہور : مسلم لیگ ن کے صدر شہباز شریف نے ایف آئی اے کی تحقیقاتی ٹیم پرہراساں کرنے کا الزام عائد کردیا اور کہا ایف آئی اے کی ٹیم نے غیر مناسب رویہ رکھا اور بے ہودہ گفتگو کی۔

تفصیلات کے مطابق اپوزیشن لیڈر شہباز شریف نے ایف آئی اے کی تفتیشی ٹیم پر ہراساں کرنے کا الزام عائد کرتے ہوئے کہا ہے کہ ایف آئی اےتفتیشی ٹیم نے میرےساتھ غیرمناسب رویہ رکھا اور  بیہودہ گفتگو کی۔

شہباز شریف کا کہنا تھا کہ ایف آئی اےتفتیشی ٹیم کا رویہ مجھ سے برداشت نہ ہوا تو میں نےکھڑےہوکرکہامیرےساتھ ایساکیوں کررہےہو؟ جس پر ایف آئی اےافسران اونچی آوازمیں ہنس کرمذاق اڑاتےرہے۔

اپوزیشن لیڈر نے کہا کہ میں نےشوگرملزمیں اپنی فیملی کےاربوں روپےکانقصان کیا، میں نےبیواؤں اور پنجاب کے غریب عوام کی خدمت کی اور فیملی کے افراد کی مخالفت کے ساتھ ساتھ عوام کو سستی چینی دی۔

ان کا کہنا تھا کہ ہماری حکومت آنے سے پہلے 20،20 گھنٹے لوڈ شیڈنگ ہورہی تھی ، 1320 میگاواٹ ساہیوال کاکوئلےکامنصوبہ سی پیک کے حصے کے طور پر  لگا، منصوبہ 22 ماہ کی ریکارڈ مدت میں مکمل کیاگیا جو دنیا میں ایک ریکارڈ ہے۔

شہبازشریف کا کہنا تھا کہ چین کی کمپنی نے سرمایہ کاری کی تھی، مدت سے 7 ماہ پہلے مکمل کرلیاگیا، چین میں کسی منصوبے کی تکمیل کی کم سے کم مدت کے مقابلے میں یہ نیا ریکارڈ تھا، 7 ماہ پہلےمنصوبہ مکمل ہونے سےپاکستانی معیشت کواربوں روپے کافائدہ ہوا۔

اپوزیشن لیڈر نے مزید کہا کہ 18 سے20 گھنٹے کی لوڈ شیڈنگ سے معیشت کو اربوں کا نقصان ہورہا تھا، ساہیوال کوئلے کے منصوبے سے 1320میگاواٹ سے لوڈ شیڈنگ میں نمایاں کمی ہوئی، منصوبے سےصنعت اور کارخانوں کا پہیہ چلا ،معیشت میں بہتری آنا شروع ہوئی اور تکمیل کے7 ماہ منصوبہ چلنے  سے قومی معیشت کو 60 سے70 ارب کا فائدہ ہوا۔

ان کا کہنا تھا کہ منصوبہ عوامی فلاح وبہبود کے حوالے سے بھی پاکستان کی تاریخ میں مثال بنا، چینی حکومت کےتعاون سےمنصوبے کا2 فیصد سالانہ خالص منافع تعلیم و صحت کےلیےتھا، 2فیصد سالانہ اوسط خالص منافع 40 یا 50 کروڑروپے بنتا ہے، منصوبے کی مدت کا تخمینہ 30 سال بھی لگائیں تو 12 یا 15ارب روپے بنتےہیں۔

شہباز شریف نے کہا کہ پنجاب میں 5ہزار میگاواٹ کےمنصوبوں میں 400 ارب کی بچت کی گئی، منصوبے شفافیت کےساتھ وقت سے پہلے پایہ تکمیل تک پہنچائے گئے، پنجاب کے لیےآمدن کا ذریعہ تلاش کی،صحت اور تعلیم کے لیے وسائل میسر آئے۔

نیب مقدمات کے حوالے سے مسلم لیگ ن کے صدرکا کہنا تھا کہ نیب مقدمات کےبعد ایف آئی اے کومیرے خلاف وہی کیسز دے دیے گئے، مجھ پر الزام ہے کہ میں نے منصوبوں میں کمیشن کھایا، تمام الزامات کا میں ایف آئی اے کو پہلے ہی جواب دے چکا ہوں۔

Comments

یہ بھی پڑھیں