The news is by your side.

Advertisement

حکومت نےدل و جان سے عوام کی خدمت کی ہے، شہباز شریف

لاہور: وزیراعلیٰ پنجاب محمد شہبازشریف کا کہنا ہے کہ 5سال بعدمسلم لیگ (ن) کی حکومت عوام کی عدالت میں سرخروہے، حکومت نےدل و جان سے عوام کی خدمت کی ہے، جھوٹ بولنے والوں کو ہوش کے ناخن لینے چاہییں۔

تفصیلات کے مطابق وزیراعلیٰ پنجاب محمد شہبازشریف نے منتخب نمائندوں سے گفتگو کرتے ہوئے کہا کہ حکومت نےدل و جان سے عوام کی خدمت کی ہے، 5سال بعدمسلم لیگ (ن) کی حکومت عوام کی عدالت میں سرخروہے۔

شہبازشریف کا کہنا تھا کہ جھوٹ بولنے اور یو ٹرن لینے والوں نے قوم کا قیمتی وقت ضائع کیا، آئندہ عام انتخابات میں سر اٹھاکرعوام کے پاس جائیں گے۔

انھوں نے کہا کہ بے بنیادالزامات کی سیاست ملک و قوم کیلئےزہر قاتل ہے، بہتان تراشیاں کرنے سے قوم کی منزل کھوٹی ہوتی ہے، جھوٹ بولنے والوں کو ہوش کے ناخن لینے چاہییں۔


مزید پڑھیں :  مخالفین کی تنقیدکی پرواہ نہیں،آخری سانس تک خدمت کرنا چاہتا ہوں، شہبازشریف


یاد رہے چند روز قبل وزیراعلی‌ٰ پنجاب شہباز شریف کا کہنا تھا کہ ہماری سیاست کا محور صرف عوام کی خدمت ہے، مخالفین کی تنقیدکی پرواہ نہیں،آخری سانس تک خدمت کرنا چاہتا ہوں۔

ان کا کہنا تھا کہ بے بنیاد الزام تراشی کو خاطر میں لائے بغیرترقی کاسفر جاری رہے گا، ترقی اور عوام کی خوشحالی کیلئے جو کچھ کرنا پڑا کریں گے، مخالفین ن لیگ کےترقیاتی ایجنڈے سے ہمت ہار چکے ہیں ، پاکستان کے عوام حقیقی سیاسی قیادت کو پہچاننے کا شعور رکھتے ہیں۔

وزیر اعلی‌ٰ پنجاب کا کہنا تھا کہ میں صبح سے رات تک پنجاب کی خدمت میں لگا رہتا ہوں، کرپشن کی ہے، تو نیب رپورٹ سامنے لے آئے، کرپشن ثابت ہوگئی، تو قوم سے معافی مانگوں گا۔

انھوں نے کہا تھا کہ سیاسی مخالفین کو کہنا چاہتا ہے کہ ہوش کےناخن لو، خان صاحب، وہ بجلی کہاں ہے، گرڈ اسٹیشن کہاں گئے، ہماری حکومت کام نہ کرتی، تو ہرطرف اندھیرے ہوتے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں