The news is by your side.

Advertisement

شوگر اسکینڈل کیس، ایف آئی اے کی شہباز شریف سے ایک گھنٹے سے زائد پوچھ گچھ

لاہور:شوگر اسکینڈل کیس میں میں ایف آئی اے نے شہباز شریف سے ایک گھنٹے سے زائد پوچھ گچھ کی ، شہبازشریف نے 20سوالات میں سے 4 کےجوابات دیے۔

تفصیلات کے مطابق اپوزیشن لیڈر شہباز شریف شوگر اسکینڈل کیس میں ایف آئی اے کے سامنے پیش ہوئے ، ایف آئی اے کی 4رکنی ٹیم نے شہباز شریف سے تحقیقات کی۔

ذرائع کا کہنا ہے کہ شہباز شریف نے ایک گھنٹے سے زائد ایف آئی اے کو سوالات کے جوابات دیے، ایف آئی اے نے اپوزیشن لیڈر سے 20سوالات کےجوابات مانگے، جس میں سے انھوں نے 4 کےجوابات دیے،جس کے بعد وہ ایف آئی اے دفتر سے روانہ ہوگئے۔

اپوزیشن لیڈر شہبازشریف کی پیشی کے موقع پر ایف آئی اے دفتر کے اطراف سیکیورٹی کے سخت انتظامات کئے گئےتھے جبکہ واٹرکینن بھی پہنچادی گئی تھی۔

خیال رہے گذشتہ روز سیشن عدالت نے شہباز شریف اور حمزہ شہباز کی عبوری ضمانت منظور کرتے ہوئے ایف آئی اے کو 10جولاٸی تک دونوں کو نہ گرفتار کرنے کا حکم دیا تھا۔

واضح رہے شہبازشریف پرشوگراسکینڈل میں25 ارب کے فراڈ کا الزام ہے جبکہ جب کہ ایف آئی اے نے حمزہ شہباز کو 24 جون کو طلب کر رکھا ہے۔

Comments

یہ بھی پڑھیں