اسلام آباد : سابق خادم اعلیٰ پنجاب شہباز شریف اپوزیشن لیڈر تو بن گئے لیکن بلند بانگ دعوؤں کی عادت اب بھی نہ گئی، قومی اسمبلی کے فلور پر بجلی کے بحران کو ختم کرنے کا دعویٰ دہرا دیا۔
شہباز شریف نے کہا کہ اگر آج ملک میں بجلی ہے تو یہ نواز شریف ہی کی مرہون منت ہے، وزیر خزانہ سچ بتا دیتے کہ ملک سے مسلم لیگ نون ہی کی حکومت نے اندھیرے ختم کیے ہیں۔
اس موقع پر وزیر خزانہ اسد عمر کی مسکراہٹ دیکھ کر کہا کہ دوست میری بات کی تائید کر رہے ہیں یا کھسیانی بلی کھمبا نوچے کی بات کر رہے ہیں۔
جواب میں وزیر خزانہ نے حساب فوری چکتا کردیا اسد عمر نے کہا لگتا ہے شیرسکڑ کر بلی رہ گئی ہے اسی لئے آج اپوزیشن کو بلی یاد آرہی ہے، اس جواب پر وزیراعظم عمران خان بھی مسکرا اٹھے اور ڈیسک بجا کراسد عمر کو داد دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں