لاہور : اپوزیشن لیڈر شہبازشریف بھی کورونا وائرس کا شکار ہوگئے، عطاتارڑ نے تصدیق کرتے ہوئے کہا شہباز شریف کو نیب میں طلب کرکے ان کی زندگی کوخطرےمیں ڈالاگیا، ان کو کچھ ہواتوعمران نیازی اورنیب ذمہ دارہوں گے۔
تفصیلات کے مطابق اپوزیشن لیڈر شہبازشریف کا کورونا ٹیسٹ مثبت آگیا، جس کے بعد انھوں نےماڈل ٹاؤن رہائشگاہ پرخود کوقرنطینہ کرلیا ہے، رہنما عطاتارڑ نے اس بات کی تصدیق کرتے ہوئے کہا قوم سےدعاؤں کی درخواست ہے،اللہ شہبازشریف کوجلدصحتیاب کرے۔
عطاتارڑ کا کہنا تھا کہ شہبازشریف کونیب میں طلب کرکے ان کی زندگی کوخطرےمیں ڈالاگیا، وہ کینسرکےمرض میں مبتلا ہیں، یہ متعددبارنیب کوبتایاگیا، شہبازشریف کی قوت مدافعت عام لوگوں کی نسبت کم ہے۔
ن لیگی رہنما نے کہا ویڈیولنک پربھی تفتیش کرنےکی پیشکش کی،9جون کونیب پیشی کےعلاوہ کسی سےملاقات کی اورنہ ہی کہیں اورگئے، شہبازشریف کوکچھ ہواتوعمران نیازی اورنیب ذمہ دارہوں گے۔
یاد رہے اس سے قبل مسلم لیگ ن کے رہنما شاہد خاقان عباسی ، احسن اقبال اور مریم اورنگزیب کے بھی کورونا ٹیسٹ مثبت آچکے ہیں۔
خیال رہے 9 جون کو اپوزیشن لیڈر شہباز شریف نیب کے سامنے پیش ہوئے تھے ، جہاں ان سے سوا گھنٹے پوچھ گچھ کی گئی تھی ، تاہم شہباز شریف متعدد سوالات کا جواب نہیں دے سکے تھے۔
