The news is by your side.

Advertisement

ہر چور اورلٹیرے سے حساب لینا ہوگا، جس نے غریب قوم کاخون چوسا، شہباز شریف

لاہور: وزیراعلیٰ پنجاب شہباز شریف کا کہنا ہے کہ ہرچور اورلٹیرے سے حساب لینا ہوگا جس نے غریب قوم کاخون چوسا، 2018 میں عوام کی تقدیر کھوٹی کرنے والوں کی سیاست سمندر برد ہوجائے گی۔

تفصیلات کے مطابق وزیراعلیٰ پنجاب شہباز شریف نے ایک بار پھر نام لئے بغیر پی ٹی آئی پر کڑی تنقید کرتے ہوئے کہا کہ دھرنا پارٹی نے سیاست میں اخلاقیات کو پامال کیا ، ان کے چہرے سے منافقت کا لبادہ اتر چکا ہے، ذاتی ایجنڈے کی کوشش کرنیوالے سیاسی عناصر بےنقاب ہوچکے۔

شہباز شریف کا کہنا تھا کہ مخلص قیادت پر بے بنیاد الزامات کا جھوٹ قوم کے سامنے آگیا ، عوام منفی عزائم کے سامنے سیسہ پلائی دیوار بن کر کھڑے ہیں، ہر چور اورلٹیرے سے حساب لینا ہوگا، جس نے غریب قوم کاخون چوسا۔

انھوں نے مزید کہا کہ قوم اب کسی کو بدلتی ہوئی قسمت کو کھوٹا نہیں کرنے دے گی، دو ہزار اٹھارہ میں عوام کی تقدیر کھوٹی کرنے والوں کی سیاست سمندر برد ہوجائے گی۔


مزید پڑھیں : نوازشریف کاہردورترقی وخوشحالی کا دور رہا ہے،و زیراعلیٰ پنجاب


اس سے قبل وزیراعلیٰ پنجاب نے پولیس شہدا کو خراج عقیدت پیش کرنے کیلئے یوم شہدا پر اپنے پیغام میں کہا کہ وطن پر جانیں نچھاور کرنے والے پولیس شہدا قوم کے ہیرو ہیں، قوم آج عظیم ہیروز کی قربانیوں کو خراج عقیدت پیش کرتی ہے۔

شہبازشریف نے مزید کہا کہ پولیس کے شہدا نے بہادری ،جرأت کی نئی تاریخ رقم کی، پولیس کے شہدا کے اہلخانہ کی دیکھ بھال ہماری ذمہ داری ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں