The news is by your side.

Advertisement

شہباز شریف کی نااہلی کی درخواست سماعت کے لیے منظور

لاہور: پاکستان تحریک انصاف کے چیئرمین عمران خان کی جانب سے وزیر اعلیٰ پنجاب میاں شہباز شریف کی نااہلی کے لیے لاہور ہائیکورٹ میں دائر کی جانے والی درخواست ابتدائی سماعت کے لیے منظور کرلی گئی۔

تفصیلات کے مطابق لاہور ہائیکورٹ میں وزیر اعلیٰ پنجاب شہباز شریف کی نا اہلی کے لیے دائر درخواست کو ابتدائی سماعت کے لیے منظور کرلیا گیا۔

چیف جسٹس لاہور ہائیکورٹ نے سماعت کے لیے کیس جسٹس شاہد کریم کو بھجوا دیا۔ عدالت کیس کی سماعت کل کرے گی۔

شہباز شریف کی نا اہلی کے لیے درخواست پاکستان تحریک انصاف کے چیئرمین عمران خان کی جانب سے گزشتہ روز دائر کی گئی جس میں شہباز شریف اور الیکشن کمیشن کو فریق بنایا گیا ہے۔

درخواست میں کہا گیا کہ شہباز شریف عوامی عہدہ رکھنے کے ساتھ ساتھ اپنے ذاتی کاروبار سے بھی منسلک رہے۔ علاوہ ازیں انہوں نے اپنے بھائی وزیر اعظم نواز شریف کو 6 ارب روپے کے تحائف دیے جن کا ذکر انہوں نے کسی منی ٹریل میں نہیں کیا۔

تحریک انصاف کی جانب سے دائر کی گئی درخواست میں استدعا کی گئی کہ شہباز شریف کو وزیر اعلیٰ پنجاب کے عہدے سے ہٹانے کا حکم دیا جائے۔

یاد رہے کہ شہباز شریف پاناما کیس کی تفتیش کے لیے بنائی جانے والی مشترکہ تحقیقاتی ٹیم جے آئی ٹی کے بھی زیر تفتیش رہے۔

ان کا نام گلف اسٹیل، حدیببیہ پپیر مل اور التوفیق کیس میں شامل ہے۔

شہباز شریف 17 جولائی کو جے آئی ٹی کے روبرو پیش ہوئے تھے۔ ذرائع کے مطابق جے آئی ٹی کے سامنے انہوں نے جو بیانات دیے وہ وزیر اعظم نواز شریف اور ان کے صاحبزادوں حسین نواز اور حسن نواز کے بیانات سے متصادم ہیں۔


Print Friendly, PDF & Email

Comments

comments

یہ بھی پڑھیں