The news is by your side.

Advertisement

شہبازشریف کا زہریلا پروپیگنڈا کورونا سے زیادہ خطرناک ہے، فیاض چوہان

لاہور : صوبائی وزیر اطلاعات فیاض الحسن چوہان نے کہا ہے کہ شہبازشریف پنجاب حکومت پر ایسے تنقید کررہے ہیں جیسے ایک لاکھ وینٹی لیٹرز،10لاکھ حفاظتی کٹس چھوڑ کر گئے تھے۔

یہ بات انہوں نے لاہور میں میڈیا سے گفتگو کرتے ہوئے کہی، انہوں نے کہا کہ عثمان بزدار کی حکومت نے شہباز شریف کو وطن واپسی پر خوش آمدید کہا تھا۔

امید تھی کہ شہباز شریف کورونا وائرس کیخلاف حکومت کے شانہ بشانہ جدوجہد کرینگے لیکن افسوس کے ساتھ کہنا پڑتا ہے کہ ہے شہباز شریف نے عوام کی خدمت کے بجائے گلی محلے کی سیاست شروع کر دی۔

فیاض چوہان نے کہا کہ شہباز شریف کا زہریلا پروپیگنڈا کورونا وائرس سے زیادہ خطرناک ہے، وہ ملک کو درپیش برے وقت میں نیلسن منڈیلا بنیں، گوالمنڈیلا نہیں۔

فیاض الحسن نے کہا کہ لگتا ہے کہ شہباز شریف نے اپنے دور حکومت میں ہر صوبے کے ہر ضلع میں یورپ،اور امریکا طرز کے اسپتال چھوڑے تھے، ایسے تنقید کررہے ہیں جیسے1لاکھ وینٹی لیٹرز،10لاکھ حفاظتی کٹس چھوڑ کر گئے تھے۔

تمام ادارے بشمول فوج آرٹیکل245کے تحت کورونا کیخلاف برسرپیکار ہیں، شہباز شریف اداروں پر کورونا سے متعلق اعداد وشمار چھپانے کا الزام لگارہے ہیں، شہباز شریف سے گزارش ہے کہ اس کڑے وقت میں مثبت کردار ادا کریں۔

fb-share-icon0
Tweet 20

Comments

comments

یہ بھی پڑھیں