اسلام آباد : شہبازشریف نے 23ویں وزیراعظم کی حیثیت سے ذمہ داریاں سنبھال لیں، شہبازشریف کو وزیراعظم ہاؤس میں گارڈ آف آنر پیش کیا گیا۔
تفصیلات کے مطابق وزیراعظم شہبازشریف نے سرکاری مصروفیات کاآغازکردیا، وزیراعظم شہبازشریف کی وزیراعظم ہاؤس آمد انھیں گارڈآف آنر پیش کیا گیا اور مسلح افواج کے چاق وچوبند دستے نے سلامی پیش کی۔
وزیراعظم شہبازشریف نے گارڈ آف آنرکامعائنہ کیا ، جس کے بعد ان کا ایوان وزیراعظم کے عملے سے تعارف کرایا گیا۔
اس سے پہلے مریم نواز،حمزہ شہباز اورکیپٹن صفدر رات گئےوزیراعظم ہاؤس پہنچے اور تیاریوں کا جائزہ لیا تھا۔
یاد رہے شہبازشریف نے گزشتہ روز پاکستان کے23 ویں وزیراعظم کا حلف اٹھایا، صدر مملکت ڈاکٹرعارف علوی کی مختصر رخصت کے باعث چیئرمین سینیٹ اور قائم مقام صدر صادق سنجرانی نے شہباز شریف سے وزارت عظمیٰ کا حلف لیا۔
ایوان صدر اسلام آباد میں ہونے والی تقریب میں مختلف شعبہ ہائے زندگی سے تعلق رکھنے والی شخصیات نے شرکت کی۔
