لندن: وزیر اعظم شہباز شریف دورہ برطانیہ مکمل کر کے لندن سے نیویارک روانہ ہو گئے جہاں وہ اقوام متحدہ کی جنرل اسمبلی کے 77 ویں اجلاس میں پاکستان کی نمائندگی کریں گے۔
تفصیلات کے مطابق چرچ ویسٹ منسٹر ایبے میں ملکہ برطانیہ کی آخری رسومات کی ادائیگی میں وزیر اعظم پاکستان نے شرکت کی، انھوں نے برطانیہ دورے کے دوران متعدد اہم ملاقاتیں بھی کیں۔
رپورٹس کے مطابق وزیر اعظم شہباز شریف سے سابق برطانوی وزیر اعظم بورس جانسن نے ملاقات کی اور باہمی دل چسپی کے امور پر تبادلہ خیال کیا، یہ ملاقات برطانوی وزیر خارجہ کی جانب سے دیے گئے استقبالیہ کے موقع پر ہوئی۔
PM leaves for New York from London to attend 77th UNGA's Session @CMShehbaz @Marriyum_A @PakPMO @PakinUSA
@ForeignOfficePk
https://t.co/tj5clJkehD pic.twitter.com/uAf6b8akV6— Radio Pakistan (@RadioPakistan) September 19, 2022
وزیر اعظم سے ملاقات کرنے والے دیگر رہنماؤں میں برطانیہ کی ڈپٹی وزیر اعظم، میئر لندن صادق خان، ہاؤس آف کامنز کے اسپیکر، لیبر پارٹی برطانیہ کے رہنما سر کیئرسٹارمر، روانڈا کے صدر، عمان کے وزیر خارجہ، ملائیشیا کے شاہ سلطان عبداللہ اور ترکی کے وزیر خارجہ شامل تھے۔
وزیر اعظم شہباز شریف 23 ستمبر کو جنرل اسمبلی سے کلیدی خطاب کریں گے، اور گلوبل فوڈ سیکیورٹی سمٹ میں بھی شرکت کریں گے، اس دوران وہ مختلف ممالک کے رہنماؤں سے اہم ملاقاتیں بھی کریں گے۔
وزیر اعظم دورے کے دوران ممتاز امریکی اخبار اور ذرائع ابلاغ کو انٹرویوز بھی دیں گے۔
