The news is by your side.

Advertisement

بلاول اور شہباز ملاقات ، اپوزیشن کی آل پارٹیز کانفرنس بلانے پر اتفاق

اسلام آباد : قائد حزب اختلاف شہباز شریف سے چیئرمین پیپلزپارٹی بلاول بھٹو زرداری کی ملاقات میں ملک کی موجودہ صورتحال پر اپوزیشن کی آل پارٹیز کانفرنس بلانے پر اتفاق کرلیا گیا۔

تفصیلات کے مطابق چیئرمین پیپلزپارٹی بلاول بھٹو قائد حزب اختلاف شہباز شریف کی رہائشگاہ پہنچے ، جہاں دونوں رہنماؤں کے درمیان ملاقات ہوئی ، ملاقات میں سیاسی صورتحال اور آزادی مارچ پرتبادلہ خیال کیا گیا۔

ملاقات میں یوسف رضا گیلانی، راجہ پرویز اشرف،شیری رحمان ، نیئر بخاری،نویدقمر،فرحت اللہ بابر،مصطفی نواز شریک تھے جبکہ ن لیگ کی جانب سے راجہ ظفر الحق، رانا تنویر حسین، امیر مقام نے شرکت کی۔

دونوں رہنماؤں کی ملاقات میں ملک کی موجودہ صورتحال پر اپوزیشن کی آل پارٹیز کانفرنس بلانے پر اتفاق کرلیا گیا ہے۔

یاد رہے گذشتہ قائد حزب اختلاف شہبازشریف کی زیرصدارت مسلم لیگ (ن) کی مرکزی مجلس عاملہ کے اجلاس میں مولانا فضل الرحمن کے اکتوبر میں اعلان کردہ آزادی مارچ میں شرکت کا فیصلہ کیا گیا تھا۔

اجلاس مین نواز شریف سمیت دیگر اسیر رہنماؤں کی رہائی کیلئے مہم شروع کرنے کا بھی فیصلہ کیا گیا تھا۔

Comments

comments

یہ بھی پڑھیں