The news is by your side.

Advertisement

جنوبی پنجاب کےلیے 10 فیصد سے زائد فنڈز مختص کیے، شہباز شریف

لاہور: وزیراعلیٰ شہباز شریف نے کہا ہے کہ جنوبی پنجاب کی ترقی پر خصوصی توجہ مرکوز کی ہوئی ہے اس لیے وہاں کی ترقی کے لیے 10 فیصد سے زائد فنڈز فراہم کیے۔

تفصیلات کے مطابق شہباز شریف نے جنوبی پنجاب سے تعلق رکھنے والے مسلم لیگ ن کے قومی اسمبلی کے امیدوار سلطان محمود بنجرا اور صوبائی وزیر احمد یار بنجرا سے ملاقات کی اور جنوبی پنجاب کی صورتحال پر تبادلہ خیال کیا۔

اس موقع پر شہباز شریف نے کہا کہ ’پنجاب حکومت کی متوازن اور ترقیاتی حکمت عملی کے مثبت نتائج سامنے آرہے ہیں، ہم نے پسماندہ اور کم ترقی یافتہ علاقوں کے لیے اربوں روپے کے وسائل اختیار کیے‘۔

انہوں نے کہا کہ وزیراعلیٰ کی حیثیت سے جنوبی پنجاب کی ترقی پر خصوصی توجہ مرکوز کی ہوئی ہے اس لیے وہاں 10 فیصد سے زائد ترقیاتی فنڈز مہیا کیے گئے، جنوبی پنجاب کے بہن بھائی میرے دل کے بہت قریب ہیں اس لیے وہاں کے ترقیاتی کاموں اور دیگر منصوبوں کی خود نگرانی کررہا ہوں۔

شہبازشریف نے کہا کہ ماضی کی حکومتوں نے جنوبی پنجاب کی ترقی کے لیے صرف باتیں کیں جبکہ مسلم لیگ ن نے اس علاقے کو حق دینے کے لیے ہمیشہ وسائل دل کھول کر فراہم کیے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں