The news is by your side.

شہباز شریف خاندان کے خلاف منی لانڈرنگ کیس میں اہم پیشرفت

لاہور : شہباز شریف خاندان کے خلاف منی لانڈرنگ کیس میں اہم پیشرفت سامنے آئی ہے، متعلقہ بینک افسران نے عدالت میں اپنا بیان دے دیا۔

تفصیلات کے مطابق شہباز شریف خاندان کے خلاف منی لانڈرنگ کیس میں 6بینک افسران نے ضلع کچہری میں 164کا بیان ریکارڈ کرادیا۔

بینک افسران نے رمضان شوگر ملز اور منی لانڈرنگ سے متعلق بیان قلمبند کرایا، ذرائع کے مطابق عدالت نے شہباز شریف اور حمزہ شہباز کو بھی آج طلب کر رکھا ہے۔

اس کے علاوہ بینک افسران نے مختلف بینک اکاؤنٹس میں ٹرانزیکشنز سے متعلق بھی بیان ریکارڈ کرایا، مذکورہ بیانات جوڈیشل مجسٹریٹ کامران ظفر کی عدالت میں ریکارڈ کیےگئے۔

ذرائع کا کہنا ہے کہ رمضان شوگر ملز کے چوکیداراور سیکیورٹی گارڈ کےاکاؤنٹ سے متعلق بھی مزید بیانات قلمبند کیے جائیں گے۔

ضلع کچہری کی عدالت نے آئندہ سماعت پر تمام بینک افسران کو طلب کرلیا ہے، آج کی کارروائی کے بعد معزز عدالت نے کیس کی سماعت23 ستمبر تک ملتوی کردی۔

Comments

یہ بھی پڑھیں