ملتان کو یورپ بناکر دکھایا، شہباز شریف Shahbaz Sharif Multan
The news is by your side.

Advertisement

دن رات ایک کر کے ملتان کو یورپ بنایا، شہباز شریف

لودھراں: وزیراعلیٰ شہباز شریف نے کہا ہے کہ پنجاب پیپلزپارٹی کا گھر ہے وہ آئیں مگر پہلے کراچی کا کچرا صاف کر کے یہاں کی فکر کریں،دن رات محنت کر کے ملتان کو یورپ بنا کر دکھایا۔

لودھراں میں جلسہ عام سے خطاب کرتے ہوئے وزیراعلیٰ پنجاب نے کہا کہ یپلزپارٹی پہلے کراچی کا کچرا صاف کرے پھر پنجاب کی بات کرے، پنجاب بھی آپ کا گھر ہے لازمی آئیں مگر جو آپ کے صوبے کے کام ہیں پہلے انہیں مکمل کریں اور پھر ہم پر تنقید کریں۔

انہوں نے کہا کہ جنوبی پنجاب میں جب بھی سیلاب آیا دن رات ایک کیا، جنوبی پنجاب میں جو ترقی پچھلے دور میں ہوئی وہ سب کے سامنے ہیں، آئندہ انتخابات میں ن لیگ مخالف جماعتوں کا پورے ملک سے صفایا کردے گی۔

شہباز شریف نے کہا کہ جنوبی پنجاب میں جب بھی سیلاب آیا جب تک پانی خشک نہیں ہوا یہیں رہا، آج ڈاکٹر، مریض، وکیل اور خواتین ملتان کی میٹرو بس میں عزت سے سفر کرتے ہیں، آج تک کسی منچلے نے میٹروں میں کسی ماں بہن بیٹی کے ساتھ بدتمیزی نہیں کی۔

پیپلزپارٹی کا نام لیے بغیر  تنقید کرتے ہوئے وزیراعلیٰ پنجاب نے مزید کہا کہ ایک پارٹی کہتی ہے کہ پنجاب کی سڑکیں کیمشن لے کر بنائی جاتی ہیں، وہ لوگ یہاں آئیں اور خود کام کر کے دکھائیں۔

Comments

comments

یہ بھی پڑھیں