شہبازشریف آئندہ انتخابات میں قومی اسمبلی کا الیکشن لڑیں گےShahbaz
The news is by your side.

Advertisement

شہبازشریف آئندہ انتخابات میں قومی اسمبلی کا الیکشن لڑیں گے

اسلام آباد : شہبازشریف آئندہ انتخابات میں قومی اسمبلی کاالیکشن لڑیں گے، 2018 کے انتخابات میں اگر جماعت نے کامیابی حاصل کی تو شہباز شریف وزیراعظم بنیں گے۔

تفصیلات کے مطابق مسلم لیگ ن کی جانب سے فیصلہ کیا گیا ہے کہ شہبازشریف آئندہ انتخابات میں قومی اسمبلی کاالیکشن لڑیں گے اور اکثریت کی صورت میں شہباز شریف وزارت عظمیٰ کے امیدوار ہونگے۔

ذرائع کے مطابق نواز شریف،شہبازشریف کے علاوہ کوئی رہنما پالیسی بیان نہیں دےگا،اداروں کے ساتھ محازآرائی سےاجتناب کیا جائےگا جبکہ شریف خاندان عدالتوں میں زیرسماعت مقدمات کاسامنا کریں گے۔

فیصلے لندن میں ہونے والی ملاقات میں کئے گئے ہیں۔


مزید پڑھیں : مائنس نواز مارمولا، شہباز شریف، وزیراعظم اور کابینہ کی لندن دوڑیں


یاد رہے کہ لندن میں موجود مسلم لیگ ن کی قیادت نے مائنس نواز فارمولا کو یکسرمسترد کردیا تھا، نواز شریف کا کہنا تھا کہ دو نومبر کو پاکستان جا رہا ہوں، افواہوں پر کان نہ دھریں اب نہ کوئی مائنس نواز فارمولا چلے گا اور نہ پاکستان جانے میں مجھے کسی ہچکچاہٹ کا سامنا ہے۔

شہبازشریف کا کہنا تھا کہ مائنس نوازشریف کی صورت قبول نہیں، نوازشریف کی مشاورت سےتمام معاملات طےکیےجائیں گے ، نوازشریف پارٹی سربراہ ہیں ان سےمشاورت کرتےہیں۔

فیئرٹرائل نوازشریف کاجائزمطالبہ ہے، اجلاس پارٹی کی آئندہ حکمت عملی کے لیے تھا۔

وزیراعظم شاہدخاقان عباسی کا کہنا تھا کہ عدالت میں جاکر دیکھیں فیئرٹرائل ہورہا ہے یا نہیں ، لندن میں وزرا کا اجلاس نہیں تھا، نوازشریف احتساب عدالت میں پیش ہونگے،  مسلم لیگ (ن) کو توڑنے کی باتیں محض پروپیگنڈہ ہیں اور مائنس نواز فارمولا کبھی کامیاب نہیں ہوگا کیوں کہ نواز شریف آج بھی دِلوں کے بادشاہ اور عوام کے وزیراعظم ہیں۔


 اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں