لاہور : سابق وزیراعظم اور مسلم لیگ (ن) کے صدر شہباز شریف کا کہنا ہے کہ عوام 21 اکتوبر کو معاشی ترقی کے معمار کا استقبال کریں۔
تفصیلات کے مطابق سابق وزیراعظم اورمسلم لیگ (ن) کے صدر شہباز شریف نے اپنے پیغام میں کہا ہے کہ عوام 21 اکتوبر کو گھروں سے نکلیں اور معاشی ترقی کے معمار کا استقبال کریں، نوازشریف کا ساتھ دینے کا مطلب خوش حال اور آزاد پاکستان ہے۔
شہبازشریف کا کہنا تھا کہ 21اکتوبر سے مایوسیوں کے بادل چھٹنا شروع ہو جائیں گے انشاءاللہ ، عوام نواز شریف کا ساتھ دیں جنہوں نے ملک کو امن دیا، جن کے دور میں یہ مہنگائی47 سال کم ترین سطح پر تھی۔
مسلم لیگ ن کے صدر نے کہا کہ نواز شریف کا ساتھ دیں تاکہ مہنگائی پھر کم ہو ، آپ کو تعلیم اور علاج مفت ملے، پورے پاکستان میں دانش اسکول بنیں اور روزگار ملے اور سستے سفر کا ذریعہ میٹروز اور شہروں میں بھی بنیں۔
