The news is by your side.

Advertisement

خدا کرے نیا سال پاکستان کے لیے خیر و برکت کا باعث ہو: شہباز شریف

لاہور: قائدِ حزب اختلاف اور صدر مسلم لیگ (ن) میاں شہباز شریف نے سالِ نو پر اپنے پیغام میں کہا ہے کہ خدا کرے نیا سال پاکستان کے لیے خیر و برکت کا باعث ہو۔

تفصیلات کے مطابق میاں شہباز شریف نے نئے سال کی آمد پر پیغام جاری کیا ہے، انھوں نے کہا ’پوری قوم کو نئے سال کی آمد مبارک ہو۔‘

دعا کریں کہ امت مسلمہ اتحاد اور اتفاق سے ہم کنار ہو۔

شہباز شریف

آشیانہ ہاؤسنگ اسکینڈل کیس میں جوڈیشل ریمانڈ پر جیل جانے والے شہباز شریف نے کہا اللہ سے دعا ہے نیا سال پاکستان کے لیے خیر و برکت کا باعث ہو۔

میاں شہباز شریف نے اس موقع پر دعا میں کشمیر و فلسطین کو بھی یاد رکھا، کہا ’خدا کرے نیا سال کشمیر، فلسطین کی آزادی کا سورج بن کر طلوع ہو۔‘

انھوں نے کہا ’ہمیں عہد کرنا چاہیے کہ ملکی تعمیر و ترقی، استحکام اور سالمیت کے لیے مل کر جدوجہد کریں گے۔‘

شہباز شریف نے کہا اللہ سے دعا کریں کہ نیا سال پوری دنیا میں امن کا سال ثابت ہو، اللہ سے دعا کریں کہ امت مسلمہ اتحاد اور اتفاق سے ہم کنار ہو۔


یہ بھی پڑھیں:  شہبازشریف کی زیرصدارت پبلک اکاؤنٹس کمیٹی کا اجلاس


خیال رہے کہ گزشتہ روز اپوزیشن لیڈر شہباز شریف کی زیرِ صدات پبلک اکاؤنٹس کمیٹی کا اجلاس منعقد ہوا، جس میں آڈیٹر جنرل پاکستان نے بریفنگ دیتے ہوئے کہا کہ گزشتہ مالی سال میں 160 ارب روپے ریکور کیے گئے۔

شہباز شریف نے آڈیٹر جنرل سے ان افراد کے خلاف کارروائی کی رپورٹ مانگی جن سے ریکوری کی گئی، منصوبوں کی تکمیل میں مقررہ مدت سے زیادہ وقت صرف ہونے کے حوالے سے بھی شہباز شریف نے پیپرا قوانین کی کاپی طلب کی۔

Comments

comments

یہ بھی پڑھیں