site
stats
پاکستان

شہباز شریف لندن سے وطن واپس پہنچ گئے

لاہور : وزیراعلی پنجاب محمد شہباز شریف لندن کے چار روزہ دورے کے بعد وطن واپس پہنچ گئے۔

تفصیلات کے مطابق وزیراعلیٰ پنجاب لندن سےعلامہ اقبال انٹرنیشنل ایئرپورٹ لاہور پہنچے اورسخت سکیورٹی میں اولڈایئرپورٹ کے راستے اپنی رہائشگاہ ماڈل ٹاون روانہ ہوئے۔

شہباز شریف تئیس ستمبرکو لندن روانہ ہوئے تھے، جہاں انہوں نے نواز شریف سے اہم سیاسی امور پر مشاورت اور بیگم کلثوم نواز کی عیادت کی۔

پارٹی ذرائع کے مطابق وزیراعلی پنجاب آج جاتی عمرہ رائیونڈ میں مسلم لیگ نون کےمشاورتی اجلاس میں شریک ہونگے۔


مزید پڑھیں :  مائنس مریم یا کچھ اور‘ شہباز شریف لندن میں مصروف


خیال رہے کہ لندن روانگی سے قبل  وزیراعلی پنجاب کی چوہدری نثار سے ملاقات ہوئی تھی، جس میں چوہدری نثار نے مریم نواز کو پارٹی میں اہم عہدہ اور ذمہ داری دینے کی مخالفت کی تھی۔

زرائع کے مطابق مسلم لیگ (ن) میں مائنس نواز کے بعد اب مائنس مریم کی صدائیں بھی زور پکڑنے لگی ہیں اور شہباز شریف اسی حوالے سے نوازشریف کو چوہدری نثار کا “مائنس مریم ” فارمولا بتانے لندن گئے  تھے۔

یاد رہے کہ سانحہ ماڈل ٹاؤن کی رپورٹ منظر عام پر کے فیصلے کے بعد شہباز شریف نے اجلاس طلب کرکے انٹرا کورٹ اپیل دائر کی منظوری دی تھی۔


مزید پڑھیں :  سانحہ ماڈل ٹاؤن: تحقیقاتی رپورٹ پر حکم امتناع کی حکومتی استدعا مسترد


جس کے بعد لاہور ہائی کورٹ کے فل بنچ نے سانحہ ماڈل ٹاؤن کی عدالتی تحقیقاتی رپورٹ منظر عام پر لانے کے فیصلے کے خلاف  پنجاب حکومت کی اپپل پر فریقین کو نوٹس جاری کر دئیے تھے اور عدالت نے سنگل بنچ کے فیصلے پر حکم امتناع کی استدعا مسترد کر دی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top