The news is by your side.

Advertisement

آمدن سے زائد اثاثے: شہباز شریف کے داماد کی نیب میں پیشی

علی عمران سے انویسٹی گیشن ٹیم کی تفتیش دو گھنٹے جاری رہی

اسلام آباد: وزیراعلیٰ پنجاب شہباز شریف کے داماد علی عمران نے نیب کے روبرو پیش ہو کر بیان ریکارڈ کرا دیا.

تفصیلات کے مطابق مسلم لیگ ن کے صدر اور وزیر اعلیٰ پنجاب کے داماد علی عمران آج نیب کے سامنے پیش ہوئے، جہاں انھوں نے اپنا بیان ریکارڈ کروایا.

پیشی کے دوران نیب لاہور کی انویسٹی گیشن ٹیم نے علی عمران سے دو گھنٹے پوچھ گچھ کی، علی عمران یوسف کو آمدنی سے زائد اثاثے، صاف پانی کمپنی کرپشن اسکینڈل اور پنجاب پاور ڈیویلپمنٹ کمپنی میں بے ضابطگی کی تحقیقات کے لیے ریکارڈ سمیت طلب کیا گیا تھا.

نیب ٹیم نے پنجاب پاور ڈیویلپمنٹ کمپنی اسکینڈل میں گرفتار ملزم اکرام نوید کے انکشافات سے متعلق بھی علی عمران سے تفتیش کی.

یاد رہے کہ صاف پانی کمپنی سے کروڑوں روپے مبینہ طور پر وزیر اعلیٰ‌ پنجاب کے داماد کے اکاؤنٹ میں منتقل ہوئے تھے، نیب ٹیم نے اس معاملے میں‌ بھی پوچھ گچھ کی، پیشی کے دوران ایل ڈی اے ریکارڈ کے مطابق پوش علاقے میں ٹاور کی ملکیت سے متعلق بھی عمران علی سے تفتیش کی گئی.

وزیراعلیٰ پنجاب کے داماد علی عمران سے انویسٹی گیشن ٹیم کی تفتیش دو گھنٹے جاری رہی، علی عمران نے بیان ریکارڈ کرایا اور متعلقہ دستاویز جمع کروائیں.

یاد رہے کہ اس وقت شریف خاندان کے خلاف نیب میں‌ مختلف کیسز میں‌ تحقیقات جاری ہیں. نوازشریف، شہباز شریف، مریم نواز اور کیپٹن صفدر مختلف کیسز میں نیب کے سامنے پیش ہوچکے ہیں.


اسحاق ڈار8مئی کو ذاتی حیثیت میں لازمی پیش ہو جائیں، سپریم کورٹ


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Print Friendly, PDF & Email

Comments

comments

یہ بھی پڑھیں