The news is by your side.

Advertisement

قومی اسمبلی: شہباز شریف کی متنازع تقریر پر حکومتی ارکان کا شدید احتجاج

اسلام آباد: قومی اسمبلی میں اپوزیشن لیڈرشہباز شریف نے اسپیکر کی رولنگ کے باوجود وزیر اعظم کے لیے متنازع لفظ استعمال کیا، جس پر ایوان میں شدید احتجاج ہوا.

تفصیلات کے مطابق پابندی کے باوجود وزیراعظم عمران خان کے لئے حذف شدہ لفظ استعمال کیا گیا، اس عمل پر حکومتی ارکان نے اپوزیشن لیڈر کے خلاف نعرے بازی کی۔ 

حکومتی ارکان کی جانب سے شہباز شریف کے خلاف احتجاج کرتے ہوئے چور چور کے نعرے لگائے گئے. اسپیکر کی جانب سے شہباز شریف کو تقریر ختم کرنے کی ہدایت کی گئی، مگر اپوزیشن لیڈر نے ہدایت رد کر دی.

شہباز شریف نے کہا کہ کہا اسپیکر صاحب، آپ مجھےنہیں روک سکتے، میں تقریر کروں گا.

وزیر اعظم کی آمد


شہباز شریف کی تقریر کے دوران وزیر اعظم عمران خان وفاقی وزرا حماد اظہر اور مراد سعید کے ساتھ ایوان میں‌ داخل ہوئے.

وزیر اعظم عمران خان کی آمد کے موقع پر حکومتی ارکان نے کھڑے ہو کر اور ڈیسک بجا کر ان کا استقبال کیا.

میڈیا کے حوالے سے رولنگ


آج اسپیکر قومی اسمبلی، اسد قیصر کی جانب سےمیڈیا کے حوالے سے رولنگ دے دی گئی.

رولنگ کے مطابق ایوان میں حذف لفظ الیکٹرانک اور پرنٹ میڈیا میں نشر نہیں ہو گا۔

Comments

comments

یہ بھی پڑھیں