site
stats
پاکستان

دو ہزار سترہ وعدوں کی تکمیل کاسال ہے‘ شہباز شریف

لاہور: وزیراعلیٰ پنجاب شہباز شریف کا کہنا ہے کہ رواں برس منصوبوں سے بجلی کی پیداوار شروع ہوجائے گی، انہوں‌ کہا کہ 2017 عوام سے کیے گئے وعدوں کی تکمیل کا سال ثابت ہوگا.

تفصیلات کے مطابق وزیراعلیٰ پنجاب شہباز شریف نے رواں سال کے حوالے سے عوام کو ایک مرتبہ پھر امید دلاتے ہوئے کہا کہ موجودہ سال عوام سےکئے گئے وعدوں کی تکمیل کا سال ہے، انہوں نے کہا کہ 2017 میں توانائی کےمتعدد منصوبے مکمل ہوں گے.

وزیراعلی پنجاب کا کہنا تھا کہ منصوبوں کی تکمیل سے ہی لوڈشیڈنگ کاخاتمہ ممکن ہوگا، منصوبے27ماہ کی ریکارڈمدت میں مکمل ہونے جارہے ہیں،
3600میگاواٹ گیس پاورمنصوبوں پرکام جاری ہے، گیس پاورپراجیکٹ سےحاصل بجلی صارفین کو سستی مہیا ہوگی.شہباز شریف نے ایک مرتبہ پھرعوام کو یقین دہانی کراتے ہوئے کہا کہ رواں برس منصوبوں سےبجلی کی پیداوارشروع ہوجائےگی، انہوں نے مزید کہا کہ ہم نےشفافیت کی مثال قائم کرکے 112 ارب روپے بچائیں ہیں.

یہاں پڑھیں: آئندہ سال ملک سے لوڈ شیڈنگ ختم ہوجائے گی، شہباز شریف

یاد رہے گذشتہ سال بھی وزیراعلیٰ پنجاب شہباز شریف یہ دعوی کرچکے ہیں، اکتوبر 2016 میں انہوں نے پوزیشن ہولڈر طلبا کی تقریب تقسیم انعامات سے خطاب کرتے ہوئے کہا تھا کہ ’’اگلے سال نہ صرف ملک سے لوڈ شیڈنگ ختم ہوجائے گی بلکہ وافرمقدارمیں بجلی کی پیداوار شروع ہو جائے گی‘‘۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top