اسلام آباد: وزیر اعظم شہباز شریف نے اقوام متحدہ کے سیکریٹری جنرل کا خصوصی شکریہ ادا کرتے ہوئے کہا ہے کہ انھیں انتونیو گوتریس کے قائدانہ کردار نے متاثر کیا۔
تفصیلات کے مطابق وزیر اعظم پاکستان شہباز شریف نے ایک ٹوئٹ میں لکھا کہ ہم سیکریٹری جنرل اقوام متحدہ کے سیلاب متاثرین کی بے مثال معاونت پر مشکور ہیں، ان کا دورہ سیلاب سے جنم لینے والے انسانی المیے سے متعلق آگاہی کے لیے اہم ہے۔
انھوں نے کہا سیکریٹری جنرل یو این کے ہمدردانہ اور قائدانہ کردار نے مجھے بے حد متاثر کیا، پاکستان کو اس چیلنج سے نمٹنے کے لیے عالمی برادری کی مدد کی ضرورت ہے۔
شہباز شریف نے لکھا کہ سیکریٹری جنرل یو این سیلاب سے بڑے پیمانے پر تباہی سے دلی طور پر رنجیدہ ہوئے، انتونیو گوتریس متاثرین سیلاب کی آواز بن کر ابھرے ہیں۔
A big thank you to UN SG @antonioguterres for his unprecedented support of the flood victims. His two-day visit has been critical in raising awareness about the human tragedy. Deeply touched by his empathy and leadership. Pakistan needs global support to overcome this challenge.
— Shehbaz Sharif (@CMShehbaz) September 11, 2022
انھوں ںے مزید لکھا کہ متاثرہ علاقوں اور کیمپوں کے دورے کے دوران انتونیو گوتریس تباہی دیکھ کر شدید حیران اور پریشان ہوئے، موسمیاتی تبدیلی کے خطرات کے بارے میں انتونیو گوتریس نے جو کہا اس پر دنیا کو توجہ دینی چاہیے۔
