The news is by your side.

شہباز شریف منسٹرز انکلیو پہنچ گئے، میڈیکل بورڈ بھی روانہ

اسلام آباد: اپوزیشن لیڈر شہباز شریف کو لاہور سے اسلام آباد پہنچا دیا گیا، انھیں پرواز پی کے 1852 کے ذریعے لاہور سے اسلام آباد لایا گیا۔

تفصیلات کے مطابق شہباز شریف کو اسلام آباد پہنچا دیا گیا، ایئر پورٹ سے انھیں سیدھا منسٹرز انکلیو منتقل کیا گیا، جہاں ان کے طبی معائنے کے لیے میڈیکل بورڈ بھی پہنچے گا۔

منسٹرز انکلیو میں شہباز شریف کا طبی معائنہ کیا جائے گا۔

انتظامیہ نے پہلے ہی شہباز شریف کی سرکاری رہائش گاہ سب جیل قرار دے رکھی ہے، شہباز شریف کو لینے کے لیے نیب راولپنڈی کی 5 رکنی ٹیم اسلام آباد ایئر پورٹ پر موجود تھی۔

اسلام آباد میں نیب ٹیم کی سربراہی ڈپٹی ڈائریکٹر نیب اسد مسعود جنجوعہ کر رہے تھے۔ دوسری طرف منسٹرز انکلیو میں شہباز شریف کا طبی معائنہ کیا جائے گا۔

ذرائع کے مطابق 3 رکنی میڈیکل بورڈ پولی کلینک اسپتال کے ڈاکٹرز پر مشتمل ہے، کنسلٹنٹ فزیشن ڈاکٹر آصف عرفان میڈیکل بورڈ کے سربراہ ہیں۔

کارڈک فزیشن ڈاکٹرحامد اور نیب کے ڈاکٹر امتیاز میڈیکل بورڈ کا حصہ ہیں، یہ میڈیکل بورڈ شہباز شریف کا معمول کا طبی معائنہ کرے گا، خصوصی میڈیکل بورڈ نیب کی درخواست پر تشکیل دیا گیا ہے۔


یہ بھی پڑھیں:  آشیانہ اقبال اسکینڈل : قومی احتساب بیورو نے شہباز شریف کے خلاف ریفرنس تیار کرلیا


ذرائع کا یہ بھی کہنا ہے کہ میڈیکل بورڈ وقتاً فوقتاً اپوزیشن لیڈر شہباز شریف کا طبی معائنہ کرے گا، اسلام آباد میں دورانِ قیام میڈیکل بورڈ شہباز شریف کے ہم راہ رہے گا۔

خیال رہے کہ شہباز شریف کو قومی اسمبلی اجلاس میں شرکت کے لیے اسلام آباد لایا گیا ہے، گزشتہ اجلاس میں شرکت کے وقت بھی نیب کی درخواست پر میڈیکل بورڈ ترتیب دیا گیا تھا۔

ذرائع کا کہنا ہے کہ میڈیکل بورڈ شہباز شریف کا ای سی جی، بی پی اور شوگر چیک کرے گا۔

Comments

یہ بھی پڑھیں