وزیراعظم شہباز شریف کو بھی کل ہی گارڈ آف آنر پیش کیا جائے گا اس سے قبل وہ وزیراعظم ہاؤس میں جشن آزادی کے موقع پر پرچم کشائی کریں گے۔
اے آر وائی نیوز کو ذرائع سے ملنے والی اطلاعات کے مطابق وزیراعظم شہباز شریف کل لاہور سے اسلام آباد پہنچیں گے جہاں وہ وزیراعظم ہاؤس میں پرچم کشائی تقریب کے مہمان خصوصی ہوں گے۔
پرچم کشائی کے بعد انہیں الوداعی گارڈ آف آنر پیش کیا جائے گا۔
بعد ازاں نگراں وزیر اعظم انوار الحق کاکڑ کی تقریب حلف برداری بھی کل سہ پہر 3 بجےایوان صدرمیں ہو گی اور صدر مملکت ڈاکٹر عارف علوی ان سے حلف لیں گے۔
تقریب حلف برداری کے بعد نگراں وزیراعظم کو خیر مقدمی گارڈ آف آنر پیش کیا جائے گا۔
وزیراعظم شہباز شریف آج قوم سے الوداعی خطاب کریں گے
واضح رہے کہ وزیراعظم شہباز شریف آج شب قوم سے بھی الوداعی خطاب کریں گے جس میں وہ اتحادی حکومت کی 16 ماہ کی کارکردگی پر روشنی ڈالیں گے۔
