شہباز شریف حدیبیہ پیپر مل کیس میں‌نااہل ہوجائیں گے، شیخ‌ رشید sheikh rasheed
The news is by your side.

Advertisement

شہبازشریف بھی نااہل ہوں گے، خاقان عباسی کے خلاف ریفرنس دائر کروں گا، شیخ‌ رشید

اسلام آباد: عوامی مسلم لیگ کے سربراہ شیخ رشید نے کہا ہے کہ حیدیبہ پیپر مل پاناما سے بڑا کیس ہے شہباز شریف اس کیس میں نااہل ہو جائینگے جس سے دونوں بھائی سیاست سے ہمیشہ کیلئے فارغ ہو جائیں گے۔

وزارت عظمیٰ کیلئے کاغذات نامزدگی حاصل کرنے کے بعد میڈیا سے گفتگو کرتے ہوئے شیخ رشید کا کہنا تھا کہ مشترکہ امیدوار بنانے پر عمران خان کا مشکور ہوں، مجھے پورا یقین ہے ہمارا امیدوار متفقہ ہوگا خورشید شاہ جو فیصلہ کریں گے ہمیں وہ قبول ہو گا ان کا کہنا تھا معاملہ نمبر گیم کا نہیں عہدے کا ہے۔

انہوں نے کہا کہ کل شاہد خاقان عباسی کے خلاف ریفرنس دائر کروں گا، قطر کے ساتھ ایل این جی منصوبوں میں اربوں روپے کا کمیشن کھایا گیا ہے۔

شیخ رشید نے کہا کہ نواز شریف اقامہ کے ذریعے دولت ادھر سے ادھر لے جاتے تھے، نواز شریف جو جال بنا رہے ہیں وہ خود اس میں پھنس جائیں، نواز شریف جمہوریت اور پاکستان کے لیے خطرہ ہیں۔

انہوں نے کہا کہ نواز شریف کو عدلیہ کی عزت ایک نظر نہیں بھاتی ،نواز شریف صاحب فوج اور عدالت سے انتقام لینا چاہتے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں