The news is by your side.

Advertisement

آخر نیب سوئس بینکوں کے کیس کیوں نہیں کھولتا: شہباز شریف

زرداری غریب عوام کا پیسہ ملک سے باہر لے گئے، نیب واپس لائے، عوام جھولیاں اٹھا کر دعائیں دے گی

لاہور: وزیراعلیٰ پنجاب شہباز شریف نے کہا ہے کہ پنجاب میں کرپشن کے خلاف زیروٹالرنس کی پالیسی ہے، کسی کو رعایت نہیں دیں گے.

تفصیلات کے مطابق مسلم لیگ ن کے صدر شہبازشریف نے کہا ہے کہ بعض لوگ جھوٹ اورالزامات سے زہرگھول رہے ہیں، بدعنوانی کے خلاف کسی قسم کی رعایت نہیں کی جائے گی.

ان کا کہنا تھا کہ اگر پورے پاکستان میں نیب کا سورج چمک رہا ہے، تو بہت اچھی بات ہے، آصف زرداری کے نیب میں اربوں کے کیسز پڑے ہیں، نیب سوئس بینکوں کے کیس کیوں نہیں کھولتا، زرداری غریب عوام کا پیسہ ملک سے باہر لے گئے، نیب واپس لائے عوام جھولیاں اٹھا کر دعائیں دے گی۔

انھوں نے کہا کہ جنوبی پنجاب میں کئی میگا منصوبےمکمل کئے، یہ سلسلہ جاری رہے گا، جذبہ خیرسگالی پر سندھ کو 77 ارب سے زائد کے وسائل دیے ہیں.

وزیر اعلیٰ پنجاب نے کہا کہ جلد اندرون سندھ دوروں کا آغاز کروں گا، ن لیگ بھرپور انتخابی مہم چلائے گی، کارکردگی کی بنیاد پرعوام ووٹ دیں گے، انتخابات کے بعد پھر حکومت بنائیں‌ گے.

صدرمسلم لیگ ن نے گرومانگٹ روڈ پر جدید میڈیکل اسٹور ڈیپو کا افتتاح کیا، اس موقع پر وزیراعلیٰ کو میڈیکل اسٹورڈیپو سے متعلق بریفنگ دی گئی کہ ڈیپو 20 کروڑ روپے لاگت سے بنایا گیا ہے.

اس موقع پر وزیر اعلیٰ پنجاب نے کہا کہ ادویات اسٹور کرنے کا جدید نظام دیکھ کر خوشی ہوئی، ادویات رکھنے کے لئے عالمی معیارکومدنظر رکھا گیا ہے.

یاد رہے کہ گذشتہ دونوں وزیر اعلیٰ پنجاب نے نیب پر تنقید کرتے ہوئے کہا تھا کہ نیب صرف پنجاب میں کارروائی کر رہی ہے، اس پر آج ادارے کی جانب سے شدید ردعمل آیا، چیئرمین نیب نے کہا کہ ہم امتیازی سلوک پر یقین نہیں‌ رکھتے، نیب کا سورج پورے ملک میں‌ چمک رہا ہے.


نیب کا سورج صرف پنجاب نہیں، پورے ملک میں چمک رہا ہے: چیئرمین نیب


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں