ٹرائی نیشن ٹی 20 سیریز میں پاکستان کو سری لنکا کے خلاف میچ سے قبل بڑا دھچکا لگ گیا۔
قومی ون ڈے ٹیم کے کپتان فاسٹ بولر شاہین آفریدی انجری کا شکار ہوگئے، انہیں پاؤں میں انجری کے باعث میڈیکل پینل کی نگرانی میں رکھا گیا ہے۔
پی سی بی کا کہنا ہے کہ شاہین آفریدی کی فٹنس کا جائزہ لیا جارہا ہے وہ اس وقت میڈیل ٹیم کی نگرانی میں ہیں۔
کرکٹ بورڈ کا کہنا ہے کہ فاسٹ بولر کی سری لنکا کے خلاف میچ میں شرکت فٹنس سے مشروط ہے۔
واضح رہے کہ ٹرائی نیشن سیریز میں پاکستان ٹیم اپنا دوسرا میچ آج سری لنکا کے خلاف کھیلے گی، پاکستان نے پہلے میچ میں زمبابوے کو دلچسپ مقابلے کے بعد شکست دی تھی۔
پاکستان، سری لنکا اور زمبابوے کی ٹی 20 سیریز ورلڈ کپ سے قبل تیاریوں کا حصہ ہے۔
راجہ محسن اعجاز اسلام آباد سے خارجہ اور سفارتی امور کی کوریج کرنے والے اے آر وائی نیوز کے خصوصی نمائندے ہیں