The news is by your side.

شاہین آفریدی سے متعلق اچھی خبر آگئی

قومی کرکٹ ٹیم کے فاسٹ بولر شاہین شاہ آفریدی کو سپروائز کرنے کے لیے نیشنل ہائی پرفارمنس سینٹر کے بولنگ کوچ عمر رشید آئندہ ہفتے انگلینڈ روانہ ہوں گے۔

تفصیلات کے مطابق  عمر رشید انگلینڈ میں ری ہیب کے لیے موجود فاسٹ بولر شاہین آفریدی کی بولنگ پریکٹس کو سپر وائز کریں گے۔

بولنگ کوچ  کا شاہین آفریدی کے ہمراہ انگلینڈ سے آسٹریلیا جانے کا بھی امکان ظاہر کیا جارہا ہے، عمر رشید کے ٹی ٹوئنٹی ورلڈ کپ کے لیے اسپورٹ اسٹاف میں شامل ہونے کا امکان ہے۔

عمر رشید کا گزشتہ ہفتے دبئی سے واپسی پر انگلینڈ کے لیے ویزا اپلائی کیا گیا، اب امکان ہے کہ آئندہ ہفتے ان کا ویزا مل جائے گا جس کے بعد وہ فوراً انگلینڈ روانہ ہوں گے۔

ذرائع کا یہ بھی بتانا ہے کہ شاہین آفریدی جنہوں نے اب رننگ شروع کر دی ہے وہ آئندہ ہفتے بولنگ کا بھی آغاز کر دیں گے اور عمر رشید ہی انگلینڈ میں شاہین آفریدی کی بولنگ پریکٹس کے تمام انتظامات کریں گے۔

Comments

یہ بھی پڑھیں