لاہور: پی ایس ایل 7 کے میچ میں کراچی کنگز نے لاہور قلندرز کو 22 رنز سے شکست دے کر ایونٹ میں پہلی کامیابی حاصل کی۔
اے آر وائی نیوز کے مطابق کراچی کنگز کی جانب سے دیے گئے 150 رنز کے تعاقب میں لاہور قلندرز کی ٹیم 9 وکٹوں کے نقصان پر مقررہ اوورز میں 127 رنز تک ہی محدود ہی اور اس طرح کنگز نے یہ میچ 22 رنز سے جیت لیا۔
میچ کے بعد لاہور قلندرز کے کپتان شاہین آفریدی نے کہا کہ کراچی کنگز نے بہت اچھی کرکٹ کھیلی، اچھی کرکٹ کھیل کر باؤنس بیک کریں گے۔
شاہین آفریدی نے کہا کہ شروع میں وکٹیں گرنے سے ہدف تک پہنچنے میں مشکل ہوئی، محمد حفیظ رن آؤٹ ہوئے یہ بھی ہماری شکست کی وجہ بنی۔
Ye hai Karachi 🎉
KK smell the sweet scent of success at their rival’s home ground. Jinhe ye match nai vekhiya o jamiya e nai! #HBLPSL7 l #LevelHai l #LQvKK pic.twitter.com/3XlbcsMxH1— PakistanSuperLeague (@thePSLt20) February 18, 2022
ٹی 20 کرکٹ میں یارکر کی کافی اہمیت ہوتی ہے، بابر اعظم
دوسری جانب کراچی کنگز کے کپتان بابر اعظم نے کہا کہ سوچا تھا 180 سے زائد اسکور کریں، بولرز نے بہترین بولنگ کا مظاہرہ کیا۔
انہوں نے کہا کہ ٹی ٹوینٹی کرکٹ میں یارکر کی کافی اہمیت ہوتی ہے، تمام بولرز نے پلان کے مطابق بولنگ کی، کرس جارڈن نے شاندار کیچ پکڑا اور میر حمزہ نے بھی شروع میں اہم وقت پر وکٹیں لیں۔
