قومی کرکٹ ٹیم کے فاسٹ بالر شاہین شاہ آفریدی نے فلسطین میں مسجدِ اقصی میں مسلمانوں پر صیہونی فوج کے تشدد کی شدید مذمت کی ہے۔
سماجی رابطے کی ویب سائٹ ٹوئٹر پر جاری پیغام نے انہوں نے لکھا کہ مومن ایک جسم سے مشابہت رکھتے ہیں، جسم کا کوئی ایک حصہ ٹھیک نہ ہو تو پورا جسم تکلیف میں رہتا ہے۔
https://twitter.com/iShaheenAfridi/status/1644464542355709955?s=20
انہوں نے کہا کہ ہم بار بار مسجد اقصیٰ میں ہونے والے ظلم کو محسوس کر سکتے ہیں مظلوموں کو یاد رکھیں، اللہ تعالیٰ فلسطینیوں کے دکھوں کو آسان فرمائے، آمین۔
روس کا اسرائیل، فلسطین اور لبنان سے اہم مطالبہ
واضح رہے کہ صیہونی فورسز نے گزشتہ دو دن سے مسجد اقصی کو میدان جنگ بنا رکھا تھا، فورسز نے عبادت میں مصروف فلسطینیوں پر بہیمانہ تشدد کیا اور پانچ سو سے ز یادہ فلسطینیوں کو حراست میں لے لیا جبکہ چالیس سال سے کم عمر افراد کو مسجد میں داخل ہونے سے بھی روک دیا۔
